लाज कशाची वाटती सांगून टाका; शिवेंद्रराजेंचे उदयनराजेंना आवाहन

सातारा : सातारा (satara) पालिकेच्या निवडणुकीचे वारे आता वाहू लागल्याने साताऱ्यात दोन्ही राजे एकमेकांसमोर शड्डू ठाेकून उभे आहेत. त्यातच खासदार उदयनराजेंनी (udayanraje bhosale) पालिकेच्या नूतन इमारतीच्या भूमिपूजन सोहळ्यावेळी "काय बाई सांगू" हे गाणं म्हणलं त्यांच्यावर जोरदार टीकास्त्र सोडत नुकतीच आमदार शिवेंद्रराजेंनी (shivendraraje bhosale) त्यांच्या या गाण्याचा जोरदार समाचार घेतला आहे.

शिवेंद्रराजे (shivendraraje bhosale) यांनी उदयनराजेंना (udayanraje bhosale) नेमकी तुम्हांला लाज कशाची वाटती ते सुद्धा एकदा सांगूनच टाका असा जोरदार टोला लगावला आहे. आता रडारड करायची, पप्या घ्यायच्या असली नौटंकी बंद करा असा सल्ला सुद्धा शिवेंद्रराजेंनी उदयनराजेंना दिला आहे.

दरम्यान सातारा पालिका निवडणुकीपुर्वी दाेन्ही नेत्यांकडून झालेली विकासकामे तसेच हाेऊ घातलेल्या कामांची माहिती पाेहचविण्यासाठी सध्या शहर व उपनगरात वेगवेगळे कार्यक्रम घेतले जात आहेत. गाेडाेली नजीकच्या अजंठा चाैकात झालेल्या कार्यक्रमाप्रसंगी शिवेंद्रराजेंनी जनतेपुढं करीत असलेल्या कामांचा लेखा जाेखा मांडला.

edited by : siddharth latkar