उदयनराजेंच्या टीकेला शिवेंद्रराजेंचे जोरदार प्रतिउत्तर म्हणाले...

सातारा - साताऱ्यातील पंडीत आॅटोमोटीव्ह कंपनी आमदार शिवेंद्रराजे यांनी बेकायदेशीर रित्या खरेदी केल्याचा आरोप करत कामगारांवर अन्याय करणाऱ्या लोकांना राजेशाही असती तर हत्तीच्या पायाखाली देऊन चिरडलं पाहिजे असं विधान खासदार उदयनराजे भोसले (Udayan Raje Bhosle) यांनी शिवेंद्रराजेंना (Shivendra Raje Bhosale) उद्देशुन केलं होतं. या नंतर आमदार शिवेंद्रराजे यांनी पत्रकार परिषद घेत उदयनराजेंच्या या विधानाचा चांगलाच समाचार घेतला आहे. मला चिरडायचं असेल तर हत्तीची गरज नाही उदयनराजेंनी माझ्या अंगावर उडी मारली तरी मी चिरडुन जाईन असा टोला लगावत साताऱ्यातील एमआयडीसी संपायला उदयनराजेच जबाबदार असल्याचं त्यांनी सांगितल आहे.

हे देखील पहा -

तसंच कारखानदारांकडुन हप्ते घेणं त्यांना दमटाटी करणं यामुळे सुद्धा साताऱ्यातील एमआयडीसी मध्ये कंपन्या आल्या नाहीत आणि असलेल्या कंपन्या निघुन गेल्या असल्याचा मोठा आरोप आमदार शिवेंद्रराजेंनी खासदार उदयनराजेंवर केला आहे. मी ही कंपनीची जागा खरेदी करताना संपुर्ण कायदेशीरपणे खरेदी केली आहे. त्यामुळे उदयनराजेंचे हे आरोप बिनबुडाचे असल्याचं ही शिवेंद्रराजे म्हणाले आहेत.

Edited By - Shivani Tichkule