Shivaji Adhalrao Patil: 'निवडून आलं की मी निघालो शूटिंगला...'; खासदार कोल्हेंवर आढळरावपाटीलांचा हल्लाबोल

Maharashtra Political News:

पुणे-नाशिक हायस्पीड रेल्वे प्रकल्पाला तत्वतः मंजुरी मिळाली आहे. या प्रकल्पाचे काम लवकरात लवकर व्हावे यासाठी उपमुख्यमंत्री अजित पवारांनी काही दिवसांपूर्वीच बैठक घेतली होती. त्यावरुन खासदार अमोल कोल्हेंनी हे काम आता लवकरच पूर्ण होणार, असं म्हणत अजित पवारांना चिमटा काढला. कोल्हेंच्या या वक्तव्यावरुन माजी खासदार शिवाजी आढळराव पाटलांनी त्यांच्यावर टीकास्त्र सोडलं आहे. (Latest Marathi News)

पुणे-नाशिक हायस्पिड रेल्वे प्रकल्पावरुन आढळराव पाटीलांनी खासदार अमोल कोल्हेंना खडेबोल सुनावले आहेत. "जनतेच्या मतावर निवडून येता ते तुम्हाला मोठं होण्यासाठी नाही. लोकांच्या सुखदुःखात सहभागी होऊन लोकांची कामं करावी लागतात. फक्त निवडून आलं की मी निघालो शूटिंगला असं चालत नसतं याचं भाण ठेवायला हवं, असं म्हणत आढळरावपाटीलांनी खासदार अमोल कोल्हेंवर हल्लाबोल केलाय.

यावेळी निधीवरुन अजित पवारांकडून निधी मिळत नव्हता मात्र आता चंद्रकांत पाटलांकडून भरभरुन निधी मिळत असल्याचे सांगत आढळराव पाटलांनी जनतेशी बांधिलकी असल्याची आठवण करुन देत खासदार झालो तर आनंदच, असं म्हटलं आहे. दरम्यान, ज्यांचा प्रचार करण्याचा आदेश येईल त्यांचा प्रचार करणार. असं आढळरावपाटलांनी जाहिर करत पुणे नाशिक हायस्पिड रेल्वे प्रकल्पावरुन कोल्हेंना खडेबोल सुनावले आहेत.

पुणे-नाशिक हायस्पीड रेल्वे प्रकल्पाला फेब्रुवारी महिन्यातच तत्वतः मंजुरी मिळाली आहे. पुणे-नाशिक हायस्पीड रेल्वे प्रकल्पाने दोन्ही शहरांच्या विकासाला मोठी चालना मिळणार आहे.