शिवसेना आमदार अपात्रतेचा निर्णय लवकरच लागण्याचा शक्यता आहे. यामध्ये मुख्यमंत्री एकनाथ शिंदे यांच्यासह १६ आमदारांवर अपात्रतेची टांगती तलवार आहे. एकीकडे ही चर्चा सुरु असताना आता शिवसेना पक्ष आणि चिन्ह याबाबतच्या सुनावणीची देखील तारीख समोर आली आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
शिवसेना पक्ष आणि धनुष्यबाण चिन्ह शिंदे गटाला देण्याच्या निवडणूक आयोगाच्या निर्णयाविरोधात ठाकरे गटाने सुप्रीम कोर्टात धाव घेतली होती. या प्रकरणी 2 फेब्रुवारी रोजी सुनावणी होणार आहे.
सुप्रीम कोर्टाच्या कामकाजात हे प्रकरण लिस्टेड आहे. मागच्या अनेक महिन्यांपासून या प्रकरणी सुनावणी झाली नव्हती. त्यामुळे दीर्घ कालावधीनंतर होणाऱ्या या सुनावणीकडे सर्वांच लक्ष लागलं आहे.
शिवसेना पक्ष आणि चिन्ह या वादावर निवडणूक आयोगाने 17 फेब्रुवारी 2023 रोजी निकाल दिला होता. निवडणूक आयोगाने शिवसेना पक्ष आणि चिन्हाबाबतचा निर्णय शिंदे गटाच्या बाजूने दिला होता. निवडणूक आयोगाच्या याच निर्णयाविरोधात ठाकरे गटाने सुप्रीम कोर्टात धाव घेतली होती.
शिवसेना आमदार अपात्रतेची सुनावणी काहीच दिवसांपूर्वी पूर्ण झाली. या प्रकरणाचा निकाल येत्या १० जानेवारीला येण्याची शक्यता आहे. या प्रकरणी शिंदे गटाला दिलासा मिळण्याचे संकेत मिळत आहेत.
आमदार अपात्र प्रकरणाची सुनावणी सुरू असताना शिंदे गटाने शिवसेना एकच आहे, फक्त आम्ही शिवसेनेच्या नेतृत्वात बदल केल्याचा दावा केला होता. या मुद्द्यांचा आधारे शिंदे यांना दिलासा मिळू शकतो, असंही सूत्रांकडून सांगण्यात आलं आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.