वर्धा: मजुरीच्या मोबदल्यात पतीच्या मित्राकडून विवाहितेचं लैंगिक शोषण!

सुरेंद्र रामटेके

वर्धा : पतीच्या मजुरीचा मोबदला मागण्यास गेलेल्या विवाहितेच्या पतीच्या मित्रानेच शारीरिक शोषण केल्याचा धक्कादायक प्रकार सेलू पोलीस स्टेशन हद्दीत घडला आहे. या घटनेने एकच खळबळ उडाली आहे. याबद्दल सेलू पोलिसात आरोपीविरुद्ध तक्रार दाखल करण्यात आल्याची माहिती सेलू पोलिसांनी दिली.

आरोपीने केली शरीर सुखाची मागणी;

पीडित महिला पतीच्या मजुरीचा मोबदला मागण्यासाठी पतीचा मित्रा रिंकूकडे गेली असता आरोपी रिंकूने पीडितेला शरीर सुखाची मागणी केली. मात्र, तिने नकार देऊन दुसरीकडे पैसे मागण्यास गेली. तेथीही तिला पैसे न मिळाल्याने ती परत आरोपी रिंकूकडे आली. तेव्हा त्याने ता. 15 फेब्रुवारी 2022 रोजी पीडितेचे लैंगिक शोषण करुन तिला पैसे दिले.

हे देखील पहा-

तर, आरोपी रिंकू शेख हा वारंवार पीडितेला धमकावून शरीर सुखाची मागणी करू लागला. तसेच घडलेला प्रकार तुझ्या पतीला सांगण्याची धमकी देत आरोपीने पीडितेवर बळजबरी अत्याचार केला. अखेर पीडितेने ही बाब पोलिसांपुढे कथन केल्यानंतर सेलू पोलिसांनी आरोपी विरुद्ध गुन्हा दाखल केला असून पोलिस आरोपीचा शोध घेत आहेत.