औरंगाबादमध्ये दोन अपघातात सात जणांचा मृत्यू, १० जखमी

औरंगाबाद : जिल्ह्यात बुधवारी सायंकाळी झालेल्या दोन अपघातात (Seven People died) सात जणांचा मृत्यू झाला आहे. औरंगाबाद ते जालना महामार्गावर बोलेरो जीप आणि एसटी बस अपघातात (Accident) पाच जण ठार झाले. तर वाळुज कडून गंगापूर कडे जाणाऱ्या एका भरधाव ट्रकने दोन दुचाकीस्वारांना चिरडलं. या अपघाताची माहिती मिळताच करमाड पोलीस (Police) घटनस्थळी दाखल होऊन जखमींना औरंगाबादच्या रुग्णालयात दाखल केले.

मिळालेल्या माहितीनुसार, एसटी बस आणि पिकअप व्हॅनचा भीषण अपघात झाला. औरंगाबादवरून जालनाकडे जाणारी एसटी महामंडळाची बस दुभाजकावरून बाजूच्या रस्त्यावर गेली. त्यानंतर समोरुन येणाऱ्या बोलेरो पिकअप व्हॅन चालकाचा ताबा सुटल्याने कार पलटी झाली.

त्यानंतर पिकअपमध्ये प्रवास करणाऱ्या पाच जणांचा जागीच मृत्यू झाला. तर तीन जण गंभीर जखमी झाले असून बसमध्ये प्रवास करणारे सहा ते सात प्रवासीही किरकोळ जखमी झाले आहेत. हा भीषण अपघात जालना महामार्गावरील गाढेजळगाव फाट्याजवळ झाला.

Edited By - Naresh Shende