विदर्भ वेगळा झालाच पाहिजे; विदर्भवाद्यांचे आंदोलन

अकोला : वेगळ्या विदर्भासाठी आज अकोल्यातील मूर्तिजापूर येथील बसस्थानक चौकातील शिवाजी महाराज पुतळ्याजवळ विदर्भ समर्थकांनी आंदोलन केले. या आंदोलनानंतर मूर्तिजापूर पोलिसांनी त्यांना ताब्यात घेतले असून वेगळा विदर्भ झालाच पाहिजे, अशी मागणी या विदर्भवाद्यांनी केली.

हे देखील पहा -

नागपूर येथे 9 ऑगस्ट क्रांतिदिनापासून ते 15 ऑगस्टपर्यंत चंडिका माता मंदिर, शहिद चौक नागपूर येथे विदर्भ आंदोलन समितीतर्फे सात दिवसांचे डेरा आंदोलन उभारण्यात आले होते. हे आंदोलन सुरळीत पार पडले. त्याच आंदोलनाचा दुसरा टप्पा म्हणून २६ ऑगस्टला स्वतंत्र विदर्भ, न्याय व हक्कासाठी, विदर्भातील सर्व तालुक्यांत रास्तारोको व ‘जेल भरो’ आंदोलन करण्यात आले.

आंदोलनातील मागण्या :

स्वतंत्र विदर्भ राज्य निर्मिती करण्यात यावी

विदर्भातील कोरोना काळातील वीजबिल सरसकट माफ करण्यात यावे

विदर्भातील शेतकरी बांधवांना कृषिपंपाचे वीजबिल नियमितपणे मोफत देण्यात यावे

विदर्भातील नागरिकांना नियमितपणे 200 युनिट पर्यंत वीज पुरवठा मोफत पुरविण्यात यावा

Edited By : Krushnarav Sathe