नागपूर : कोरोना (Corona) महामारीमुळे मार्च 2020 पासून बंद असणाऱ्या शाळा आता हळूहळू सुरु होत आहेत. कालच मुंबई मधील पहिली ते सातवीपर्यंतचे वर्ग सुरु करण्यात आले आहेत. तर आजपासून नागपूरमधील शाळांमध्येही लहानग्यांचा किलबिलाट ऐकू येणार आहे.
हे देखील पहा -
नागपूर महानगरपालिका (Nagpur Municipal Corporation) हद्दीतील पहिली ते सातवीपर्यंतच्या शाळा आजपासून सुरु होत आहेत. नागपूरात सध्या कोरोना रुग्णसंख्या नियंत्रणात आहे. असं असलं तरी कोरोना प्रतिबंधक नियमांचं पालन करून शाळा सुरू होणार आहेत. याबाबतचे आदेश नागपूर महापालिका आयुक्त राधाकृष्णन बी. यांनी काल काढले आहेत.
विद्यार्थ्यांना शिकवणाऱ्या सर्व शिक्षकांनी लसीचे दोन्ही डोस घेणं अनिवार्य आहे. तसंच शाळेच्या परिसरात विद्यार्थी आणि पालकांची गर्दी होणार नाही याची काळजी शाळा प्रशासनानं घेण्याचे निर्देश देण्यात आलेय. दीड- पावणेदोन वर्षांनंतर हे वर्ग सुरू होणार असल्यानं विद्यार्थी आणि शिक्षकांमध्ये उत्साह आहे. शाळेत विद्यार्थ्यांचं स्वागत केलं जाणार आहे.
Edited By - Jagdish Patil
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.