रश्मी पुराणिक
मुंबई : राज्यात येत्या 17 ऑगस्टपासून शाळा सुरू करण्याचा विचार सुरु होता. परंतु तूर्तास तो निर्णय लांबणीवर गेल्याची माहिती मिळत आहे. शासनाकडून याविषयीचे विस्तृत आदेश लवकरच जरी केले जातील, अशी माहिती राज्याचे मुख्य सचिव सीताराम कुंटे Sitaram Kunte यांनी दिली.
लहान मुलांसाठीचा कोरोना काळासाठी टास्क फोर्स Task Force मुख्यमंत्री उद्धव ठाकरे यांनी डॉ. सुहास प्रभू यांच्या अध्यक्षतेखाली तयार केला. त्याशिवाय एक टास्क फोर्स डॉ. संजय ओक यांच्या अध्यक्षतेखाली देखील कार्यरत आहे. मुख्य सचिव सीताराम कुंटे यांच्या अध्यक्षतेखाली या दोघांसह टास्क फोर्सचे सदस्य डॉ. राहुल पंडित, डॉ. शशांक जोशी आदींसह ज्या जिल्ह्यात कोरोना रुग्ण Patients संख्या कमी होत चाललेली आहे, त्या जिल्ह्यांचे जिल्हाधिकारी यांची एक बैठक पार पडली.
बालरोग टास्क फोर्सने बैठकीत सांगितले की, इंडोनेशियातील मोठ्या संख्येने मुले कोरोनाव्हायरसने ग्रस्त आहेत. त्यांनी काही कागदपत्रे आणि फॉर्म तयार करून बैठकीत दाखवले. लहान मुलांमध्ये या रोगासाठी कोणतीही उपयुक्त औषधे नाहीत. शिवाय, तुम्ही मुलांना लसीकरण सुरू केले नाही. त्यामुळे अचानक शाळा पुन्हा सुरू झाल्यास अडचण येईल, असे कुंटे म्हणाले आहेत.
ज्या जिल्ह्यात किंवा शहरात रुग्णांची संख्या कमी झाली आहे, किंवा पूर्णपणे नाहीशी झाली आहे, तेथे शाळा सुरू करण्यासाठी नियोजन सुरू केले जाऊ शकते. नंदुरबार, धुळे, लातूरसारख्या काही जिल्ह्यांमध्ये रुग्णांची संख्या कमी होत आहे. त्यामुळे अशा जिल्ह्यांमध्ये शाळा सुरू करता येतील.
पण हे जिल्हे किंवा अशी शहरे अपवाद असतील. मुख्य सचिव सीताराम कुंटे म्हणाले की ज्या जिल्ह्यांमध्ये रुग्णांची संख्या अजूनही कमी होत नाही किंवा नियंत्रणाबाहेर नाही अशा सर्व शाळा सुरू करणे शक्य होणार नाही. काय करता येईल यावर त्वरित निर्णय घेतला जाईल. मात्र, शाळा सुरू करण्याचा निर्णय त्वरित घेता येणार नाही.
ज्या शहरात किंवा जिल्ह्यात सलग तीन आठवडे नवीन रुग्ण सापडला नाही तो शाळा सुरू करण्यास पात्र असावा, असे बैठकीत म्हटले आहे. कुंटे म्हणाले की त्यांनी बालरोग टास्क फोर्सच्या प्रमुखांना दिलेल्या उदाहरणांचा अभ्यास करून त्वरित माहिती गोळा करण्याचे आदेश दिले आहेत. शहर आणि जिल्ह्यातील परिस्थितीनुसार शाळा सुरू केल्या जातील. मुख्यमंत्री उद्धव ठाकरे यांच्याशीही चर्चा केली जाईल.
Edited By-Sanika Gade
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
