BJP Offered Satyajeet Tambe : काँग्रेसचा युवा नेता भाजपच्या गळाला ? अखेर सत्यजीत तांबे म्हणाले, आमचं ठरलं...

- सचिन बनसाेडे

Satyajeet Tambe Latest Marathi News : राज्यात पदवीधर आणि शिक्षक निवडणुकीसाठी (maharashtra legislative council graduate and teachers constituency election) सर्व पक्षांची जाेरदार तयारी सुरु आहे. नाशिक पदवीधर निवडणुकीत भाजपाकडून काँग्रेसचे युवा नेते सत्यजीत तांबे यांनी उमेदवारी देण्याची ऑफर दिल्याची चर्चा आहे. या चर्चेस आज सत्यजीत तांबे (satyajeet tambe) यांनी स्वत:हून पुर्णविराम देत काेण काय म्हणते यापेक्षा मी काॅंग्रेसचा एकनिष्ठ कार्यकर्ता आहे हे सर्वांना माहित असल्याचे म्हटले आहे. (Breaking Marathi News)

युवा नेते सत्यजित तांबे यांना याबाबत विचारले असता ते म्हणाले भाजपाकडून (bjp) ऑफर असल्याची सर्व चर्चा निराधार आहे. मी भाजपात प्रवेश करणार असल्याची आवाई उठवली गेली आहे. मी माझ्या (congress) पक्षाचा एकनिष्ठ कार्यकर्ता आहे आणि राहणार.

नाशिक पदवीधर निवडणूकीसाठी काँग्रेसकडून आमदार डाॅ. सुधीर तांबे उद्या दुपारी दोन वाजता अर्ज दाखल करणार असल्याची खात्रीशिर माहिती सुत्रांकडून समजली आहे. विद्यमान आमदार सुधीर तांबे यांनाच पक्षाकडून उमेदवारी जाहीर हाेण्याची शक्यता वर्तवली जात आहे. (Maharashtra News)

या निवडणुकीत भाजपाकडून कोणाला उमेदवारी दिली जाणार याबाबतचा संभ्रम अजूनही मतदारसंघात कायम आहे. यंदा भाजपकडून मंत्री राधाकृष्ण विखे पाटील यांचे बंधू राजेंद्र विखे यांना उमेदवारी मिळू शकले अशी जाेरदार चर्चा आहे.

Edited By : Siddharth Latkar