Satara News : प्रेम प्रकरणातून साताऱ्यात कांड, विवाहितेची राहत्या घरी निर्घृण हत्या, १२ तासात आरोपीला पुण्यात बेड्या

ओकांर कदम, सातारा प्रतिनिधी

Satara Crime News : प्रेम प्रकरणातून विवाहितेची राहत्या घरात हत्या केल्याची धक्कादायक घटना साताऱ्यातील शिवथर येथे घडली आहे. पोलिसांनी आरोपीला १२ तासांच्या आता बेड्या ठोकल्या आहे. आरोपीने प्रेम प्रकरणातून हे कृत्य केल्याची कबुली दिली आहे. सोमवारी शिवथर येथे पूजा जाधव या महिलेचा प्रेम प्रकरणातून गळा चिरून खून केल्याची धक्कादायक घटना घडली होती. पोलिसांनी तात्काळ याप्रकरणी तपास सुरू करत आरोपीला बेड्या ठोकल्या.

सातारा तालुक्यातील शिवथर येथे सोमवारी पूजा जाधव या विवाहित महिलेचा तिच्या राहत्या घरी गळा चिरून निघृण खून केल्याची धक्कादायक घटना घडली होती. या प्रकरणात संशयित आरोपी घटनास्थळावरून फरार झाला होता. मात्र सातारा तालुका पोलिसांनी तपासाची चक्रे फिरवत अवघ्या बारा तासात शिवथर गावातीलच अक्षय रामचंद्र साबळे या आरोपीला पुण्यातून रात्री उशिरा अटक केली आहे. त्याची पोलिसांनी चौकशी केली असता हा सर्व प्रकार प्रेम प्रकरणातून घडला असल्याचे त्याने कबुली दिली आहे. याप्रकरणी सातारा तालुका पोलीस ठाण्यात अक्षय साबळे याच्यावर खुनाचा गुन्हा दाखल करण्यात आला असून पुढील तपास सुरू आहे.

पूजा हिचे सासू- सासरे हे सोमवारी कामानिमित्त शेतामध्ये गेले होते. भाऊ सागर हा कामानिमित्त कुटूंबासमवेत पुणे येथे असतो. पती प्रथमेश जाधव हा सातारा येथील आनंद ट्रेर्समध्ये सकाळी साडेनऊ वाजताच कामाला गेला होता, तर मुलगा यश (वय सात) हा इयत्ता दुसरीमध्ये शिकत असून, तोही शाळेत गेला होता. त्यामुळे पूजा घरामध्ये एकटीच होती. तो डाव साधत आरोपीने महिलेचा खून केला. दरम्यान, सर्वांचा दिनक्रम नेहमाप्रमाणे सुरू असतानाच दुपारच्या दरम्यान घरातील सर्व दरवाजे उघडे असल्यामुळे शेजारी राहात असणारी वृद्ध महिला घरामध्ये गेल्यानंतर हा सर्व प्रकार समजला त्यानंतर शेजाऱ्यांनी सासू सासऱ्यांना बोलावून घेतले. शिवथर-मालगाव मार्गावरील एक किलोमीटर अंतरावर असणाऱ्या सातारा- मालगाव मार्गावरील रोमन वस्तीवर मोजकीच घरे आहेत. तेथे पूजा कुटंबोयांसह राहात होती. घटनेची माहिती समजताच ग्रामस्थांनी घटनास्थळी गर्दी केली.