मोठ्या पोलीस बंदोबस्तात अखेर गुणरत्न सदावर्तेंचा ताबा सातारा पोलिसांकडे!

मुंबई: गुणरत्न सदावर्तेंना (Gunratna Sadavarte) काल न्यायालयाने १४ दिवसांची न्यायालयीन कोठडी सुनावली. पोलीस कोठडी संपल्यानंतर त्यांना काल युक्तीवादावरुन न्यायालयीन कोठडी देण्यात आली आहे. इकडे न्यायालयीन कोठडी मिळाल्यानंतर सदावर्तेंचा ताबा सातारा पोलीसकडे देण्यात आला आहे. छत्रपती उदयन राजे भोसले आणि संभाजीराजे यांच्याबद्दल केलेल्या वक्तव्याचा फटका गुणरत्न सदावर्तेंना बसला आहे. सातार पोलिसांची (Satara Police) गुणरत्न सदावर्ते यांना ताब्यात घेण्याची सर्व कायदेशीर प्रक्रिया कालच पुर्ण केली होती. आज सकाळी ८ वा सातारा पोलिसांचे पथक आर्थररोड कारगृहात सदावर्तेचा ताबा घेण्यासाठी पोहचले होते.

सातारा पोलिसांकडून ७ ते ८ गाड्या या बंदोबस्तासाठी सोबत आहेत. अंदाजे ६० ते ७० पोलिसांच्या बंदोबस्तात सदावर्तेंना सातारा येथे नेले जात आहे. त्याच बरोबर मुंबई पोलिसांकडूनही अतिरिक्त पोलीस सातारा पोलिसांच्या मदतीसाठी तैनात ठेवले जाणार आहेत. मुंबई पुणे द्रुतगती मार्गे सातारा पोलीस सदावर्तेंना सातारा येथे घेवून जात आहेत. सातारा येथे दाखल होताच सदावर्तेंना स्थानिक न्यायालयात हजर करत सदावर्तेची कस्टडी वाढवून घेतली जाणार आहे.

Edited By: Pravin Dhamale