9 दिवस ९ रात्र उभ्यानं उपवास, ना बसणे ना झोपणे, केवळ काठीचा आधार, साताऱ्यातील पांडे गावाची 350 वर्षांची अनोखी परंपरा

ही दृश्यं पाहा....मंदिरातील हे पुरुष आणि त्यांनी घेतलेला झोपाळ्याचा आधार पाहून तुम्हाला आश्चर्य वाटलं असेल....एका पायावर ही कुठली साधना सुरु आहे ? हा काय प्रकार आहे ? असे प्रश्न तुम्हाला पडले असतील.

पण ही आहे सातारा जिल्ह्यातील वाई तालुक्यातल्या पांडे गावची ३५० वर्षे जुनी अनोखी प्रथा.. गावातल्या घरातील एक तरी व्यक्ती ९ दिवस उभे राहून उपवास करते. गावातील काळ भैरवनाथाच्या मंदिरात नवस बोलून अशा प्रकारे उभे राहून ९ दिवस उपवास केला जातो.

उपवास करणारे जमिनीवर बसत नाहीत आणि झोपतही नाहीत. फक्त काठीचा आधार घेऊन चालायचं. आराम करायचा झालाच तर मंदीरात तयार केलेल्या झोपाळ्यावर एक पाय खाली ठेउन पडून रहायचं.

विशेष म्हणजे उपवास कर्त्याला पांढरा पोशाख परिधान करून रोज अनवाणी सकाळ, संध्याकाळ गावाला ९ दिवस प्रदक्षिणा घालाव्या लागतात. श्रद्धा आणि संयमात मोठी शक्ती असते. पांडे गावाने आपली परंपरा अगदी श्रद्धापूर्वक जपली आहे. आदीमायेचा हा जागर अनेकांना आनंद आणि शक्ती देऊन जातो. एव्हढं निश्चित...