Shambhuraj Desai : पुरावे असतील तर निवडणूक आयोगाकडे द्यावेत खोटे आरोप करू नयेत; शंभूराज देसाई यांचा संजय राऊतांना टोला

सातारा : संजय राउत यांच्याकडे रश्मी शुक्ला यांच्या विरोधात काही पुरावे असतील, तर ते त्यांनी निवडणूक आयोगाकडे द्यावेत. उगाचच येवढ्या मोठ्या अधिकाऱ्यावर खोटे आरोप करू नये; अशा शब्दात संजय राऊतांना शंभूराज देसाई यांनी सुनावले आहे.

विधानसभा निवडणुकीच्या अनुषंगाने पारदर्शक निवडणूक करायची असेल तर रश्मी शुक्ला यांना हटवा; असं वक्तव्य खासदार संजय राऊत (Sanjay Raut) यांनी केलं होतं. राऊतांच्या या विधानावर शंभूराज देसाई यांनी उत्तर दिले आहे. तसेच संजय राऊत यांनी मनसेच्या बाबत केलेल्या विधानावर देखील शंभूराज देसाई (Shambhuraj desai) यांनी खोचक टीका केली आहे.

राऊत हवेतली विधान करतात 

देसाई यांनी संजय राऊत हा चुकीची चिठ्ठी काढणारा पोपट आहे, अशी टीका करत आतापर्यंत काढलेली एकही चिठ्ठी खरी ठरलेली नाही. राऊत जे पण बोललेत ते आजपर्यंत कधीही खरं झालेलं नाही. राऊत हवेतली विधान करत असतात. त्यामुळे या विधानानांकडे गांभीर्याने पाहण्याची गरज नाही; असे देसाई म्हणाले आहेत.