साता-यातून पळून गेलेले ते दाेघे अडकले पाेलिसांच्या जाळ्यात

crime news सातारा : सातारा जिल्ह्यात फलटण, कोरेगाव ,खंडाळा, वाई, जावली या तालुक्यातील विद्युत डीपी चोरी प्रकरणाचा तपास स्थानिक गुन्हे पथकाने लावला. या प्रकरणी संशयित फरारी आराेपी विजय उर्फ मुंजेश काळे आणि मर्द रमेश भोसले या दाेघांना पोलिसांनी अटक केली आहे.

या दाेन्ही संशयित आराेपींकडून डीपी चोरी प्रकरणात 27 गुन्ह्यांची उकल झाली आहे. त्यांच्याकडून आत्तापर्यंत २४ गुन्ह्यांतील ६५ किलो तांब्याची तार हस्तगत करण्यात आली आहे अशी माहिती पाेलिसांनी दिली. पाेलिसांनी दिलेल्या माहितीनूसार सुमारे ७६ हजार ३७५ रुपयांचा मुद्देमाल आहे. हा सर्व मुद्देमाल जप्त करण्यात आला आहे.

या दाेन्ही संशयित आराेपींवर घरफोडीचा गुन्हा दाखल आहे. त्या अनुषंगाने तपास सुरु आहे. तसेच तीन दुचाकी चोरीचे गुन्हे उघडकीस करण्यात पाेलिसांना यश आले आहे. दरम्यान विद्युत मंडळाच्या डीपी चाेरी प्रकरणी फरारी अटक झाल्याने आणखी काही प्रकरणे बाहेर येतील असा अंदाज व्यक्त हाेत आहे.

Edited By : Siddharth Latkar