Santosh Deshmukh Case : संतोष देशमुखांच्या मारेकऱ्यांना पोलिसांनी पळवलं? पोलिसांवरही मकोका लावा, धसांची मागणी

भरत मोहळकर, साम टीव्ही, प्रतिनिधी

सरपंच संतोष देशमुख हत्या प्रकरणात दररोज नवनवे खुलासे समोर येत आहेत.. त्यातच आता सरपंच हत्या प्रकरणाचं धाराशिव कनेक्शन समोर आलंय.. धाराशिवमधील पोलिस कर्मचाऱ्यांनी आरोपींना पळून जायला मदत केली, असा गंभीर आरोप भाजप आमदार सुरेश धसांनी केलाय..आरोपींना मदत करणाऱ्या पोलिसांवर मकोका लावण्याची मागणीही धसांनी केलीय...

सरपंच हत्या प्रकरणात याआधीही सुरेश धसांनी परळीच्या पोलिसांवर गंभीर आरोप केले होते.. तर पोलिसांचे कराडशी असलेले संबंधही धसांनी उघड केले होते. त्यामुळे एसआयटीतील अधिकारी बदलण्याची नामुष्की सरकारवर ओढावली होती..

आता बीडच नाही तर शेजारच्या धाराशिवमधील पोलिसांनीही सरपंच देशमुखांच्या मारेकऱ्यांना मदत केल्याचा दावा धसांनी केलाय..त्यामुळे धाराशिव जिल्ह्यातील वाशीच्या पोलिसांवरही मकोका लावून सरपंच हत्या प्रकरणात सहआरोपी केलं जाणार का? हे पाहणं महत्वाचं ठरणार आहे.