राऊतांचा EXIT POLL, भाजपला धक्का, अच्छे दिन येणार, मोदी-शाह जाणार

निवडणुका आल्या की EXIT POLL आणि वेगवेगळ्या सर्व्हेची नेहमीच चर्चा सुरु होते...मात्र ठाकरेसेनेचे खासदार संजय राऊतांनी केलेल्या एका ट्विटमुळे देशाच्या पंतप्रधानपदासाठीच्या पसंतीचा नवा एक्झिट पोल समोर आलाय...या एक्झिट पोलनं भाजपला धक्का दिलाय...एक्झिट पोलमध्ये नेमकं काय आहे...पाहूयात..

'पोल ट्रॅकर'नं देशभरात 'मूड ऑफ इंडिया' या नावाने एक सर्वेक्षण केलं...या सर्वेक्षणात लोकसभेच्या 543 मतदारसंघामधून 4 लाख 53 हजार लोकांची मतं जाणून घेण्य़ात आली...त्यात आज निवडणुका झाल्या तर इंडिया आघाडीला 44 टक्के म्हणजे 280 जागा आणि भाजपप्रणित एनडीएला 40 टक्के म्हणजे 240 जागा मिळू शकतील असा दावा करण्यात आलाय..तसचं पंतप्रधान म्हणून राहुल गांधींच्या नावाला 58 टक्के लोकांनी तर नरेंद्र मोदींच्या नावाला 11 टक्के लोकांची पसंती या सर्वेक्षणात दाखवण्यात आलीय...राम मंदिरातील दानचोरी प्रकऱण, जेन झी आंदोलनामुळे सर्वेक्षणात NDAला फटका बसल्याचं निरीक्षणही नोंदवण्यात आलयं...

याचं सर्वेक्षणासंदर्भात बोलताना राऊतांनी पंतप्रधान नरेंद्र मोदी आणि केंद्रीय गृहमंत्री अमित शाहांवर टीका केलीय... राऊत नेमकं काय म्हणाले ऐका...'अच्छे दिन' येणार, जुने चांगले दिवस परत येणार, मोदी-शाह जाणार, नक्की जाणार.

दुसरीकडे पंतप्रधान नरेंद्र मोदींच्या नेतृत्वावर जनतेचा विश्वास असल्याचं सांगत भाजपनं राऊतांना जोरदार प्रत्युत्तर दिलयं...

गेल्या 12 वर्षांत सत्तेत असूनही अँटी इन्कम्बन्सीचा फारसा फटका न बसलेल्या भाजपसाठी राऊतांनी समोर आणलेलं सर्वेक्षण धक्का देणारं आहे...मात्र राम मंदिरापासून जेन झी आंदोलनापर्यंत भाजपची मौन बाळगण्याची भूमिका पक्षासाठी घातक ठरतेय...त्यात जेन झी आंदोलनानंतर तरुणांशी जोडून घेण्यासाठी भाजप तिंरगा रॅली, संवाद यात्रा काढत असलं तरी तरुणांशी कनेक्ट होण्यासाठी भाजपला धोरणांमध्ये अमुलाग्र बदल करण्याची गरज आहे. तर दुसरीकडे विरोधी पक्षनेते राहुल गांधी छात्रो की गुंजमधून तरुणांशी कनेक्ट होतायत.. त्यामुळे भाजप विरोधकांच्या वाढत्या प्रभावाला रोखण्यासाठी काय ऱणनीती आखते? हे पाहणं महत्त्वाचं आहे...