Sanjay Raut On Ajit Pawar: हातात तिजोरी आहे म्हणून निधीवाटप करायचा म्हणजे लुटमार; निधीवर्षावावरुन संजय राऊतांचं अजित पवारांवर टीकास्त्र

Sanjay Raut News: उपमुख्यमंत्री अजित पवार शिंदे-फडणवीस सरकारमध्ये सहभागी होत सत्तेत आले आहेत. मंत्रिमंडळ विस्तारात अर्थमंत्री पदाची सूत्र त्यांच्या हाती देण्यात आलीत. त्यानंतर लगेचच त्यांनी आमदारांवर निधीवर्षाव केलाय. यावरुन शिवसेना खासदार संजय राऊतांनी अर्थमंत्री अजित पवारांवर टीकास्त्र सोडलंय. (Latest Political News)

हातात तिजोरी आहे म्हणून निधीवाटप करायचा म्हणजे लुटमार आहे, अशा शब्दांत राऊतांनी अजित पवारांवर (Ajit Pawar) हल्लाबोल केलाय. पुढे ते म्हणाले की, निधीवाटपाचा असमतोल महाराष्ट्राचं राजकारण नासवणारं आणि खराब करणारं आहे, अशी खरमरीत टीका राऊतांनी केलीये.

पुढे त्यांनी पंतप्रधान नरेंद्र मोदी (PM Narendra Modi) यांच्यावर देखील निशाणा साधलाय. नुकतीच मुख्यमंत्री एकनाथ शिंदे यांनी पंतप्रधान नरेंद्र मोदींची भेट घेतली आहे. यावेळी त्यांनी आपल्या संपूर्ण कुटुंबासह मोदींची भेट घेतली होती. तसेच ही सदिच्छा भेट असल्याचं त्यांनी स्पष्ट केलं होतं.

या भेटीनंतर पंतप्रधान नरेंद्र मोदींनी एकनाथ शिंदेंवर कौतुकाचा वर्षाव केला. विशेष म्हणजे पंतप्रधानांच्या ट्वीटर अकाउंटवर मराठीत ट्वीट करण्यात आलं होतं. यात त्यांनी लिहिलं होतं की, "महाराष्ट्राचे गतिशील आणि कष्टाळू मुख्यमंत्री एकनाथ शिंदे यांना आणि त्यांच्या कुटुंबाला भेटून आनंद झाला. महाराष्ट्राच्या प्रगतीसाठीची त्यांची तळमळ आणि विनम्र स्वभाव कौतुकास्पद आहे."

पंतप्रधानांच्या या ट्वीटवर देखील राऊतांनी निशाणा साधलाय. मुख्यमंत्री एकनाथ शिंदे यांना कष्टाचा वारसा अमच्याकडूनच मिळालाय. ही फार चांगली गोष्ट आहे, असं राऊतांनी म्हटलंय.