Maharashtra Politics: मीच बाळासाहेब ठाकरे" संदेश देताय का? – राऊतांचा शिंदेंना सवाल

दसरा मेळाव्यासाठी शिंदेसेनेनं टीझर जारी केला आणि याचं टीझरमधील एकनाथ शिंदेंच्या फोटोवरून आता वाद सुरु झालाय... भगवी शाल घालणारे आता मीच बाळासाहेब ठाकरे..असं सांगायचे बाकी आहेत, अशी टीका खासदार संजय राऊतांनी केलीय...

मराठीच्या मुद्द्यावरून शिवसेनेचा जन्म झाला.. मात्र ज्यावेळी देशात हिंदुत्ववादाचा प्रभाव वाढला तेव्हापासून राज्यात बाळासाहेब ठाकरे आणि भगवी शाल हे समीकरणचं बनलं.. त्यानंतर राज ठाकरेंनीही गेल्या निवडणुकीत मराठीचा मुद्द्यावरून वळण घेत प्रखर हिंदुत्वाचा नारा दिला होता..तेव्हाही त्यांच्या अंगावर भगवी शाल पाहायला मिळाली.. एकूणच राजकारणातील भगव्याचं महत्त्व ओळखून दसरा मेळाव्याच्या टीझरमध्ये एकनाथ शिंदेंनी भगवी शाल अंगावर घेतलीय का? त्यामुळे स्थानिक स्वराज्य संस्थांच्या निवडणुकीत पुन्हा एकदा सत्तासोपानापर्यंत पोहचण्यासाठी भगव्याचाचं आधार घ्यावा लागणार..हे आता अधोरेखित होऊ लागलयं...