पुरंदर विधानसभा मतदारसंघाचे काँग्रेसचे माजी आमदार संजय जगताप यांनी दोन दिवसांपूर्वी अधिकृतपणे भाजपमध्ये प्रवेश केला. मुंबईत झालेल्या कार्यक्रमात भाजप प्रदेशाध्यक्ष रवींद्र चव्हाण यांच्या उपस्थितीत हा पक्षप्रवेश पार पडला. विशेष म्हणजे, या पक्षप्रवेश सोहळ्यादरम्यान मंचावर मंत्रोच्चार करण्यात येत असल्याचे दृश्य कॅमेऱ्यात कैद झाले आहे. त्याचा व्हिडिओ सध्या सोशल मीडियावर जोरदार व्हायरल होत आहे. यामुळे राजकीय वर्तुळात चर्चेला उधाण आलं आहे.
विधानसभा निवडणुकीत पराभव झाल्यापासून संजय जगताप नाराज होते. त्यांनी नुकतंच काँग्रेसच्या जिल्हाध्यक्ष पदाचा राजीनामा दिला होता. त्यानंतर ते भाजपमध्ये प्रवेश करणार असल्याची चर्चा होती. दरम्यान, त्यांनी कार्यकर्त्यांशी संवाद साधून बुधवारी भाजपमध्ये जाहीर प्रवेश केला. सासवड येथील पालखी मैदानात जाहीर सभा घेत जगताप यांनी भाजपात प्रवेश केला.
या पक्षप्रवेश सोहळ्यावेळी माजी आमदार संग्राम थोपटे, माजी मंत्री बाळा भेगडे, सोनई उद्योग समूहाचे प्रवीण माने, प्रदेश उपाध्यक्ष विक्रम प पावसकर, रवि अनासपुरे, जिल्हाध्यक्ष चंद्रशेखर वढणे, जालिंदर कामठे आदी मान्यवर उपस्थित होते. भाजप प्रदेशाध्यक्ष रवींद्र चव्हाण यांच्या उपस्थितीत हा पक्षप्रवेश सोहळा पार पडला.
रविंद्र चव्हाण म्हणाले, 'विधानसभेत लोकांच्या हिताच्या योजना माजी आमदार संजय जगताप मांडायचेत. आता त्यांनी भाजपात प्रवेश केला आहे. पंतप्रधान मोदी यांच्या सबका साथ सबका विकास, या मंत्राप्रमाणे पुरंदरमधील प्रलंबित कामे सोडण्याचा प्रयत्न करण्यात येणार आहे. त्यांच्या प्रवेशामुळे नक्कीच पक्षाची ताकद वाढेल', असं चव्हाण म्हणाले.
यापक्षप्रवेशावेळी मंचावर मंत्रोच्चार करण्यात आला होता. याचा व्हिडिओ समोर आला आहे. या क्षणाचा व्हिडिओ सध्या सोशल मीडियावर जोरदार व्हायरल होत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.