![Sangli News](http://media.assettype.com/saamtv%2F2023-06%2F9bdb46bb-3034-4bee-a433-6b92938dabd1%2FSaam_TV___2023_06_15T105636_304.jpg?rect=0%2C0%2C1200%2C675&w=480&auto=format%2Ccompress&fit=max)
सांगली : मिरच बसस्थानक परिसरात रिक्षातून गांजा विक्रीसाठी नेला जात होता. या दरम्यान पोलिसांनी (Police) सापळा रचून कारवाई करत रिक्षा चालकाला ताब्यात (Miraj) घेतले आहे. शिवाय पोलिसांनी तीन लाख रूपयांचा मुद्देमाल जप्त केला आहे. (Maharashtra News)
मिरज एसटी स्टँड परिसरातून रिक्षामधून गांजा विक्री करण्याकरिता जात असल्याची गोपनीय माहिती महात्मा गांधी पोलिस ठाणे येथे मिळाली होती. त्यानुसार मिरज एसटी स्टँड परिसरात पोलीस पथक तयार करून सापळा रचण्यात आला. ऑटो रिक्षा एसटी स्टँडजवळ आली असता पथकाने रिक्षा अडवून रिक्षा चालक वैभव राजू कनशेट्टी (वय ३०, रा. मिरज) याला ताब्यात घेतले.
सात किलो गांजा जप्त
रिक्षाची झडती घेतली असता एका पोत्याच्या प्लास्टिक पिशवीत एक लाख ७० हजार रुपये किंमतीचा ६ किलो ८०० ग्राम वजनाचा गांजा अढळून आला. या गुन्हात वापरलेले सुमारे दीड लाख रुपये किंमतीची रिक्षा असा ३ लाख २० हजाराचा मुद्देमाल पोलिसांनी जप्त केला आहे. अमली पदार्थ विरोधी कायद्यानुसार वैभव राजू कनशेट्टी याच्यावर गुन्हा दाखल करण्यात आला आहे. ही कारवाई मिरज उपविभागीय पोलीस अधिकारी प्रणील गिल्डा, पोलीस निरीक्षक सुधीर भालेराव यांच्या मार्गदर्शनाखाली पोलिस उपनिरीक्षक राजू अन्नछत्रे व त्यांच्या कर्मचाऱ्यांनी केली आहे. याबाबत अधिक तपास महात्मा गांधी पोलीस करीत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.