Chandoli Tourist Spot : सांगलीचे चांदोली पर्यटन स्थळ आता बंद; पुढील चार महिने पर्यटनास जाण्यास मनाई, काय आहे कारण?

सांगली : पर्यटकांचे आकर्षण असलेले सांगली जिल्ह्यातील चांदोली राष्ट्रीय उद्यानातील जंगल सफारी आजपासून पर्यटकांसाठी बंद करण्यात आले आहे. यामुळे पर्यटकांना आता पुढील चार महिन्यांपर्यंत येथे फिरण्यासाठी जाता येणार नाही. अर्थात आक्टोबर महिन्यानंतरच पर्यटकांसाठी हे स्थळ खुले करण्यात येणार असल्याची माहिती वनक्षेत्रपाल ऋषिकेश पाटील यांनी दिली. 

सांगली जिल्ह्यातील सह्याद्री व्याघ्र प्रकल्पाची चांदोली येथील जंगल सफारी पर्यटनासाठी दरवर्षी पावसाळ्यात बंद करण्यात येत असते. पावसाळ्याच्या कालावधीमध्ये व्याघ्र प्रकल्प क्षेत्रातील पर्यटन बंद असते. या वर्षाचा पर्यटन हंगाम १४ जून रोजी समाप्त झाला आहे. पावसाळ्यात जंगलातील कच्चे रस्ते, नाले यामुळे वाहनांच्या येण्या- जाण्यावर निर्बंध येतात. अशावेळी कच्चे रस्ते खराब होतात. यामुळे हि बंदी करण्यात येत असते. 

जैवविविधतेला धोका निर्माण होण्याची भीती 

तसेच जंगलातील जैवविविधतेला वाहनांमुळे धोका निर्माण होतो. पावसाळा हा लहान जीव, सरपटणारे प्राणी आणि अन्य वन्य जीवांचा प्रजननाचा कालावधी असतो. या कालावधीत त्यांना कोणत्याही प्रकारे त्रास होऊ नये यासाठी सुद्धा पर्यटन बंद ठेवले जाते. दरवर्षी हा निर्णय वनविभागाकडून घेण्यात येत असतो. 

या तारखेपर्यंत आहे बंदी 

चांदोली राष्ट्रीय उद्यान पर्यटकांसाठी बंद राहणार आहे. पावसाळा सुरू झाल्याने आजपासून उद्यान पर्यटकांसाठी बंद होणार असून चार महिन्यांचा या कालावधीत म्हणजेच आजपासून १५ ऑक्टोबर या चार महिन्याच्या कालावधी करिता बंद राहणार आहे; अशी माहिती सह्याद्री व्याघ्र राखीवचे वनक्षेत्रपाल ऋषिकेश पाटील यांनी दिली आहे. १५ ऑक्टोम्बरनंतर पर्यटकांना फिण्यासाठी जात येणार आहे.