Sangli News : ९२ लाखांचे रक्तचंदन कासेगाव पोलिसांकडून जप्त; आरोपीही अटकेत

सांगली : बेकायदेशीर विक्री करण्याच्या उद्देशाने रक्तचंदनाचे ओंडके आणलेल्या केदारवाडीच्या दोन आरोपींच्या (Sangli) सांगलीच्या कासेगाव पोलिसांनी मुसक्या आवळल्या आहेत. कासेगावच्या (Police) सहायक पोलिस निरीक्षक दीपक जाधव व यांच्या टीमने ही कामगिरी केली आहे. (Latest Marathi News)

आरोपींनी दोन दिवसापुर्वी रक्तचंदन लाकडाचे ओंडके बेकायदेशीरपणे विक्री करण्याच्या उद्देशाने आणली आहेत. अशी गोपनीय बातमी कासेगांव पोलिस ठाण्यातील गुन्हे प्रकटीकरण पथकाला मिळाली. त्यांनी प्रभारी अधिकारी सहायक पोलिस निरीक्षक दीपक जाधव यांना कळविली. जाधव यांनी पोलीस अधिक्षक बसवराज तेली, उपविभागीय पोलीस अधिकारी मंगेश चव्हाण यांच्या मार्गदर्शनाखाली वन विभाग पथकाकडील वनअधिकारी कर्मचारी यांच्यासह छापा टाकला. यावेळी जयकर तुकाराम पाटील (रा.केदारवाडी ता.वाळवा) यांचे मालकीच्या घरात रक्तचंदनाची एकुण २० लाकडी ओंडके आढळली. 

९२ लाखाची लाकडे 

रक्तचंदनाची एकुण  ७५८.४०० किलोग्रॅम वजनाच्या ९१ लाख ८०० रुपये किंमतीची २० लाकडी ओंडके पोलिसांनी जप्त केली आहेत..युनूस भैय्या (पूर्ण नाव माहिती नाही) आणि विजय बाळासाहेब तांबवे (रा. केदारवाडी) यांना पोलिसांनी अटक केली असुन गुन्हा दाखल करण्यात आला आहे. पुढील तपास सहाय्यक पोलीस फौजदार चंद्रकांत पवार हे करीत आहेत.