सांगली : चोरट्यांनी घरात घुसून मोठे धाडस करत चोरी केली होती. घरातील सदस्यांच्या डोळ्यात चटणी टाकून सोन्याचे दागिने लंपास केले होते. पोलिसांनी तपास करत दागिने चोरी करणार्‍या तिघां चोरट्याना पोलिसांनी अटक केली आहे. संजयनगर पोलिसांनी हि कारवाई केली असून त्याच्याकडून ९० हजाराचे दागिने हस्तगत केले आहेत.
सांगली (Sangli) शहरातील दत्त कॉलनीत हा धाडसी चोरीची घटना घडली होती. दत्त कॉलनीतील व्यायामशाळेजवळ राहणार्‍या संगीता रामचंद्र ठोंबरे यांच्या घरात घुसून तिघा चोरट्यांनी पती रामचंद्र ठोंबरे यांच्या डोळ्यात चटणी टाकली होती. इतकेच नाही तर त्यांना चाकूचा धाक दाखवित बोरमाळ, गंठण, कर्णफुले असे सोन्याचे दागिने चोरून पोबारा (Crime News) केला होता. या प्रकरणी ठोंबरे दाम्पत्याने संजयनगर पोलिसांत तक्रार दाखल केली होती. यानंतर पोलिसांनी सदर घटनेचा तपास सुरु केला होता.
दरम्यान संजयनगर पोलिसांनी (Police) तपास करत वाहिद मुसा पखाली (वय ४९), सलीम मेहबुब शेख (वय ३५) आणि तातोबा लक्ष्मण कांबळे (वय ५०) या तिघांना अटक केली आहे. अटक करतेवेळी त्यांच्याकडून केवळ मोबाईल जप्त करण्यात आला होता. मात्र पोलिसांनी तिघांची कसून चौकशी करीत चोरीतील बोरमाळ, गंठण व कर्णफुले असा ९० हजार रुपयांचा मुद्देमाल जप्त केला. ही कारवाई संजयनगर पोलिसांनी केली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.