Sangli News : सांगलीत स्पीड ब्रेकरने घेतला जीव, अपघाताचा सीसीटीव्ही व्हिडीओ समोर

Sangli Accident News :

सांगलीतून एक विचित्र अपघाताची घटना समोर आली आहे. स्पीड ब्रेकरमुळे एका व्यक्तीचा अपघात झाला आणि त्यात त्याचा मृत्यू झाला आहे. सांगलीतील बिरनाळे कॉलेज परिसरातही घटना घडली आहे. या घटनेचा व्हिडीओ देखील समोर आला आहे.

सांगलीत स्पीड ब्रेकरवरुन जात असताना दुचाकीचा अपघात झाल्याने एकाचा मृत्यू झालाय. विजय मगदूम असे मयत व्यक्तीचे नाव आहे. सांगलीतील बिरनाळे कॉलेजसमोर असलेल्या स्पीड ब्रेकरवर रात्री 11 वाजता अपघात झाला आहे. (Latest Marathi News)

बिरणाळे कॉलेजसमोरील स्पीड ब्रेकरवर मगदूम यांची गाडी घरसली आणि ते गाडीसह रस्त्यावर पडले. यात त्याच्या डोक्याला मार लागला आणि मोठ्या प्रमाणात रक्तस्रावदेखील झाला. या अपघाताचा सीसीटीव्ही व्हिडीओ समोर आला आहे.

अपघातानंतर स्थानिक तरुण मदतीसाठी तातडीने धावले. त्यांनी मगदूम यांना रुग्णालयात दाखल केले. मात्र उपचाराआधीच त्यांचा मृत्यू झाल्याचे डॉक्टरांनी सांगितले. विजय मगदूम हे सांगलीतील एकता मित्र मंडळाचे माजी अध्यक्ष आहेत.

या घटनेनंतर मगदूम कुटुंबावर दुःखाचा डोंगर कोसळला आहे. तर परिसरातही विजय मगदूम यांच्या अपघाती निधनामुळे हळहळ व्यक्त होत आहे