- सचिन बनसाेडे
Sangamner News : सोशल मिडियातून (social media) मुलीशी ओळख झालेल्या दाेघा युवकांनी तिला पळवून नेण्याचा डाव रचल्याची तक्रार मुलीने पाेलिसांत दिली. त्यानंतर संगमनेर पाेलिसांनी मुलीला पळवून नेण्याचा प्रयत्न करणाऱ्या दोघांना अटक केली. हे दाेन्ही युवक बिहार मधील असल्याचे पाेलिसांनी सांगितले. (Maharashtra News)
या घटनेबाबत अधिक माहिती अशी - 2 वर्षांपूर्वी पब्जी गेमच्या माध्यमातून मुलीची दाेन युवकांशी ओळख झाली. त्यानंतर संबंधित मुलीला युवक भेटायला आले. या युवकांनी मुलीला फूस लावून पळवून नेण्याचा प्रयत्न केल्याची फिर्याद तिने पाेलिसांत दाखल केली.
मुलीच्या फिर्यादीनंतर बिहार राज्यातील अकरम शेख व नेमतुल्ला या दाेघांना पाेलिसांनी अटक केली. दरम्यान हा प्रकार लव्ह जिहाद व धर्मातरचा असल्याचा आरोप हिंदुत्ववादी संघटनांनी केला. पोलिस तपासात धर्मांतर की लव्ह जिहाद हे स्पष्ट हाेईलच असेही हिंदुत्तवादी संघटनांच्या कार्यकर्त्यांनी नमूद केले.
दरम्यान आज (शनिवार) दुपारी संशयित आरोपींना न्यायालयात हजर केले जाणार आहे अशी माहिती संगमनेर पाेलिसांनी दिली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.