Samruddhi Mahamarg Accident : समृद्धी महामार्गावर मिनी ट्रॅव्हल्स ट्रकची धडक, एकाचा मृत्यू

Washim News :

समृद्धी महामार्गावरील अपघातांची मालिका सुरुच आहे. वाशिमजवळ आज समृद्धी महामार्गावर मिनी ट्रॅव्हल्स आणि ट्रकमध्ये भीषण अपघात झाला आहे. यामध्ये एका व्यक्तीच मृ्त्यू झाला आहे, तर एक जखमी आहे.

समृद्धी महामार्गावर वाशिमच्या मालेगाव तालुक्यातील चॅनल क्रमांक 224 जवळ हा अपघात झाला. एक मिनी ट्रॅव्हल्स रस्त्याच्या कडेला उभी होती. त्यावेळी महामर्गावरुन वेगाने येणाऱ्या ट्रकने बसला मागून जोरदार धडक दिली. या धडकेत एक ठार झाला आहे. (Latest Marathi News)

प्रवीण राजकुमार छत्री (वय 29 ) याचा जागेवर मुत्यू झाला आहे. तर ट्रक चालक मगबुल अली (वय 23) किरकोळ जखमी आहे. दरम्यान ट्रॅव्हल्सचा टायर बदलण्याचं काम सुरु असताना हा अपघात झाला. सुदैवाने बसमधील सर्व प्रवासी खाली उतरले असल्याने मोठी दुर्घटना टळली.

समृद्धी महामार्गावरील वाहतूक ५ दिवसांसाठी बंद

समृद्धी महामार्गावरील वाहतूक ५ दिवसांसाठी बंद राहणार आहे. जालना इंटरचेंज ते सावंगी मार्गातील टॉवरचे काम सुरू असल्याने १० ते १२ ऑक्टोबर आणि २५-२६ ऑक्टोबर रोजी दुपारी १२ ते ३.३० या वेळेत महामार्ग वाहतूकीसाठी बंद असेल. या वेळेत समृद्धी महामार्गावरुन कोणतीही वाहतूक होणार नसल्याची माहिती महाराष्ट्र राज्य रस्ते विकास महामंडळाचे छत्रपती संभाजीनगर विभागाचे प्रकल्प संचालक रामदास खलसे यांनी दिली.