Sambhajinagar News: खेळणे समजून खेळत होता बंदुकीशी; गोळ्या झाडून घेतल्या, चिमुकल्याची ४० तासाची झुंज ठरली अपयशी

नवनीत तापडिया 

छत्रपती संभाजीनगर : घरामध्ये गावठी कट्टा ठेवलेला होता. हा गावठी कट्टा खेळणे समजून खेळत होता. खेळता खेळता (Sambhajinagar) गावठी कट्ट्याचा घोडा दाबून दिला. यात तो जखमी झाला होता. यानंतर त्याला रुग्णालयात (Ghati Hospital) दाखल करण्यात आले होते. मात्र त्याची हि झुंज अपयशी ठरली. (Live Marathi News)

छत्रपती संभाजीनगर जिल्ह्यातील गंगापूर शहरातील अहील्यादेवी नगरमध्ये हि धक्कादायक घटना घडली आहे. शहरातील एका घरात गावठी कट्ट्यातुन दोन गोळ्या लागल्याने अडीच वर्षांचे बाळ गंभीर जखमी होते. घरामध्ये गावठी कट्टा ठेवलेला होता. त्यावेळेस अडीच वर्षाचा मुलगा खेळणे समजून त्याच्या जवळ गेला आणि त्यातूनच गोळी लागल्याने गंभीर जखमी झाला होता. जखमी अडीच वर्षाच्या मुलावर घाटी रुग्णालयात उपचार सुरू होते. 

४० तास उपचार 

अडीच वर्षाच्या बालकाला जखमी अवस्थेत रुग्णालयात दखल करण्यात आले होते. दुर्दैवाने उपचार सुरु असतांना ४० तासांच्या उपचारानंतर चिमुकल्याची मृत्यूशी झुंज अपयशी ठरली. याबाबत पोलीस पुढील तपस करत आहेत.