Maharashtra Politics: राष्ट्रवादी कॉंग्रेस पक्षाच्या अजित पवार गटाची बीडमध्ये जाहीर सभा झाली. शरद पवार यांच्यानंतर बीडमध्ये सभा घेत जोरदार शक्तीप्रदर्शन अजित पवार गटाकडून करण्यात आले. यावेळी झालेल्या जाहीर सभेतून छगन भुजबळ यांनी शरद पवार यांच्यावर हल्लाबोल केला. पवारांवरील टीकेनंतर सभेमध्ये चांगलाच गोंधळही पाहायला मिळाला. भुजबळांच्या या टीकेवरून राष्ट्रवादीचे नेते जितेंद्र आव्हाड यांनी समाचार घेतला आहे.
याबाबत सविस्तर माहिती अशी की, बीडच्या (Beed) सभेत छगन भुजबळ (Chhagan Bhujbal) यांचे भाषण सुरू असताना उपस्थितांनी मोठा गोंधळ केल्याचे पाहायला मिळाले. शरद पवारांवरील (Sharad Pawar) टीकेनंतर हा सर्व गोंधळ सुरू झाल्याच्या चर्चा आता रंगू लागल्या आहेत. या संपूर्ण प्रकारावरुन आता जितेंद्र आव्हाड (Jitendra Awhad) यांनी छगन भुजबळ यांच्यावर टीका केली आहे.
काय म्हणाले जितेंद्र आव्हाड..
बीडकरांना सलाम! आदरणीय शरदचंद्र पवार साहेबांच्या विरोधात ऐकून घेणार नाही, ही तुम्हा बीडकरांची भूमिका होती; त्याबद्दल तुम्हांला मानाचा मुजरा!! ज्यांचं खाल्लं, प्यायलं... त्यांच्याच नावाने ओकाऱ्या काढत आहेत... अशा तिखट शब्दात आव्हाडांनी भुजबळांवर टीका केली आहे.
रोहित पवारांचाही निशाणा...
"बीडमध्ये मोठं स्वागत झालं पण एका मंत्र्याने त्यासाठी सत्तेचा पुरेपूर वापर केला, हेही नजरेआड करता येणार नाही. या सभेत जेव्हा आदरणीय पवार साहेबांच्या विरोधात एका मंत्र्याचे सूर निघायला लागले त्याला लोकांनीच विरोध केल्याने संबंधित मंत्र्याला दोन मिनिटांत आपलं भाषण गुंडाळावं लागलं... अशी टीका रोहित पवार (Rohit Pawar) यांनीही केली आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
