Ghati Hospital : घाटी रुग्णालयात निघालात? थांबा! वाचा नवीन नियम

- रामनाथ ढाकणे

Chhatrapati Sambhajinagar News :

छत्रपती संभाजीनगर येथील घाटी शासकीय रुग्णालयात (ghati hospital) रुग्णांना भेटण्यासाठी येणाऱ्या नातेवाईकांना पास देण्यात येणार आहेत. हे पास दाखविल्यानंतरच त्यांना रुग्णालयात प्रवेश मिळणार आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

घाटी रुग्णालयात रुग्णांच्या नातेवाईकांची माेठ्या प्रमाणात गर्दी हाेत असते. ही गर्दी कमी करण्यासाठी घाटी प्रशासनाने पुन्हा एकदा पास देण्याची यंत्रणा राबविण्याचा निर्णय घेतला आहे. आजपासून (मंगळवार) रुग्णांच्या नातेवाईकांना घाटी रुग्णालयात पास देण्यात येणार आहेत.

हा पास दाखविल्यानंतरच नातेवाईकांना रुग्णालयात प्रवेश दिला जाणार आहे. सामान्य रुग्णांना भेटण्यासाठी नातेवाईकांना निळ्या रंगाचा पास तर गंभीर रुग्णांसाठी लाल रंगाचे दोन पास दिले जातील. (Maharashtra News)

दरम्यान रुग्णालयातील सर्वच वार्डात रोज दीड हजाराहून अधिक रुग्ण दाखल असतात. या रुग्णांना भेटण्यासाठी त्यांचे नातेवाईक नेहमीच गर्दी करतात. यामुळे रुग्णावर उपचार करण्यात अडचण येत असल्याने घाटी प्रशासनाने हा निर्णय घेतल्याची माहिती साम टीव्हीला दिली.

Edited By : Siddharth Latkar