डिजिटल पत्रकारितेत सकाळची आघाडी कायम; दर्जेदार बातम्यांचा प्रभावी ठसा

Mamaharashtra News: मराठी पत्रकारितेच्या क्षेत्रात अनेक वर्षांची उज्वल परंपरा असलेल्या सकाळ मीडिया ग्रुपने आता डिजिटल पत्रकारितेच्या आघाडीवरही आपली भक्कम छाप उमटवलेली आहे. डिजिटल युगात मराठी वाचकांसाठी सत्य आणि विश्वासार्ह शिवाय दर्जेदार बातम्या देण्याचा निर्धार करत सकाळने आज देशातील नंबर एक मराठी वेब पोर्टल म्हणून स्वतःचे वेगळे स्थान निर्माण केले आहे.

पारंपरिक माध्यमांप्रमाणेच डिजिटल(Digital) माध्यमांमध्येही सकाळचा प्रभाव झपाट्याने वाढत आहे. वेगवान, अचूक आणि विश्वासार्ह बातम्यांसाठी लाखो वाचकांचा आजही पहिला पसंतीचा पर्याय म्हणजे सकाळच होय. गेल्या काही वर्षांपासून डिजिटल प्लॅटफॉर्मवर सकाळने वाचकांच्या मनात जागा निर्माण केली आहे आणि त्यांचा विश्वास सातत्याने जिंकला आहे.

मराठी वाचकांच्या मनातली खरी जागा

मराठी मीडिया क्षेत्रातील अग्रगण्य ब्रँड म्हणून ओळख असलेल्या सकाळने वेब पोर्टल, मोबाईल अ‍ॅप आणि सोशल मीडियाच्या माध्यमातून कोट्यवधी वाचकांपर्यंत पोहोचण्याचे काम केले आहे. विविध विषयांवरील दर्जेदार बातम्या, वेळीच मिळणारे अपडेट्स आणि संवादात्मक सामग्रीमुळे 'सकाळ डिजिटल'ने आपल्या वाचकांशी घट्ट नातं निर्माण केलं आहे.

फेसबुक, इंस्टाग्राम, ट्विटर (एक्स), यूट्यूब अशा माध्यमांवरही सकाळच्या बातम्या आणि व्हिडिओजला लाखोंचा प्रतिसाद मिळतो आहे. हे यश म्हणजे एक विश्वासाचं नातं जे सकाळने अनेक वर्षांच्या सातत्यपूर्ण गुणवत्तेच्या माध्यमातून जपलं आहे.

सकाळ मीडिया ग्रुपने केवळ प्रिंटमध्येच नव्हे तर डिजिटल पत्रकारितेतील प्रवासही तितकाच यशस्वी केला आहे. तब्बल २५ वर्षांपूर्वी डिजिटल माध्यमात पाऊल टाकताना घेतलेला निर्णय आज अत्यंत योग्य ठरला आहे. या दीर्घकाळात, सकाळ डिजिटलने अनेक महत्त्वपूर्ण घडामोडींवर विश्वासार्ह आणि प्राथमिक बातम्या वाचकांपर्यंत पोहोचवून आपली पत्रकारिता सिद्ध केली.