सरकारला दोनशे कोटींचा गंडा! दिल्लीतील भंगार विक्रेत्याला औरंगाबादमध्ये अटक

माधव सावरगावे

औरंगाबाद : सरकारला जवळपास दोनशे कोटींचा गंडा घालणाऱ्या दिल्लीतील (Delhi) एका भंगार विक्रेत्याला जीएसटी विभागानं (GST) अटक केलीय. समीर मलिक असं भंगार विक्रेत्याचं नाव आहे. भंगार विक्रीचा कोणताही व्यवहार न करता बनावट बिले तयार करून जीएसटी इनपुट टॅक्स क्रेडिटच्या माध्यमातून सरकारला (Government) जवळपास दोनशे कोटी रुपयांपेक्षा जास्त गंडा या व्यापाराने घातल्याची अंदाज आहे.

या घोटाळ्यात सहभागी झालेल्या औरंगाबादमधील (Aurangabad) वाळूज, हनुमान नगर येथील एका भंगार दुकानावरही धाड टाकण्यात आलीय. त्यातून आणखी काही धागेदोरे समोर येण्याची शक्यता आहे. (Aurangabad News In Marathi)

औरंगाबादमधील १५ व्यवसायिक आहेत, ज्यांच्याकडे त्यांनी बनावट बिलाच्या आधारावर व्यवहार केला आहे. मूळचा दिल्लीचा असणारा समीर मलिक यांनी औरंगाबाद शहरातील नारेगाव परिसरात सनसाईज एंटरप्राइजेस नावाने भंगार खरेदी विक्री व्यवसायाची बोगस नोंदणी केली होती. (GST Fraud)

हे देखील पहा-

त्या बोगस कंपनीच्या नावावरून कोट्यवधींचे बोगस बिल तयार केले होते. त्यातून जवळपास दहा कोटी रक्कम औरंगाबाद शहरातील पंधरा व्यवसायिकांना पाठवली होती. या व्यवहारात काहीतरी गडबड असल्याचे जीएसटी विभागांच्या अधिकाऱ्यांच्या लक्षात आले. त्यानंतर त्यांनी समीर मलिक याला औरंगाबादमध्ये बोलवून अटक केली. यामध्ये औरंगाबाद मधील पंधरा भंगार विक्रेते असल्याचं जीएसटीच्या लक्षात आल्याने कारवाई सुरू आहे.