नको ते विषय समोर करून भाजपचे नेते राज्याची बदनामी करतायत - रोहित पवार

अहमदनगर - आपली राजकिय पोळी भाजून घेण्यासाठी नको ते विषय समोर करून राज्याची बदनामी करण्याचं काम भाजपचे काही नेते करत असल्याचे म्हणत केंद्रीय मंत्री नारायण राणे यांच्यावर नाव न घेता राष्ट्रवादीचे आमदार रोहित पवार (Rohit Pawar) यांनी निशाणा साधलाय. सुशांतसिंह राजपूत आणि दिशा सालियान यांच्या मृत्यूनंतर मुख्यमंत्री उद्धव ठाकरेंनी दोन वेळा फोन केला आणि मंत्र्याची गाडी होती हे बोलू नका असं सांगितल्याचा दावा नारायण राणेंनी (Narayan Rane) केला होता.

याबाबत आमदार रोहित पवार यांना विचारले असता मला या विषयी जास्त माहिती नाही परंतु केवळ आपली राजकिय पोळी भाजून घेण्याचा प्रयत्न काही नेते करतात या प्रकरणाबाबत अनेक आरोप- प्रत्यारोप करण्यात आले, सीबीआय चौकशी झाली होती पण त्यातून काहीही निष्पन्न झालं नाही असं आमदार पवार म्हणाले.

Edited By - Jagdish Patil