मला स्वतःसाठी काही मागायचं नाही, तुम्ही काही द्यायचं ठेवलं नाही; पवारांची भावनिक साद

कैलास चौधरी -

उस्मानाबाद : मला स्वतःसाठी काही मागायचं नाही कारण तुम्ही मला काही द्यायचं ठेवलं नाही असं म्हणत शरद पवार (Sharad Pawar) यांनी भावनिक साद घालत, मी या लहान कार्यक्रमाला का आलो असं काहीना वाटत असेल. तुम्ही मला चार वेळा महाराष्ट्राचा मुख्यमंत्री केलंय, बावन्न वर्ष निवडून येण्याची संधी देत आहात केंद्रात देखील मला मंत्री पद मिळालं आहे.

त्यामुळे आता मला काही नको. असं वक्तव्य पवार यांनी केलं ते आज उस्मानाबाद जिल्हा दौर्‍यावर होते जिल्ह्यातील समुद्रवाणी आणि पाडळी येथील प्राथमिक आरोग्य केंद्राचे लोकार्पण खा. पवार यांच्या हस्ते करण्यात आले दरम्यान कार्यकर्ता मेळावा घेण्यात आला यावेळी ते बोलत होते.

ते म्हणाले, मला आता काही नको मात्र, राज्य चालवायचे असेल, राज्याच भविष्य उत्तम घडवायचे असेल तर पुढच्या काळाचा विचार करावा लागतो. कर्तृत्वाचा मक्ता फक्त पुरुषांनी घेतला नाही. महिलाही त्यामध्ये मागे नाहीत. कर्तृत्वाला संधी दिली पाहिजे, असं म्हणत युवती आघाडीच्या प्रदेशाध्यक्षा सक्षणा सलगर यांच्या कार्याचा गौरव करण्यासाठी म्हणून मी इथे आल्याचेही शरद पवारांनी सांगितलं.

Edited By - Jagdish Patil