अहमदनगर जिल्ह्यात निर्बंध; मात्र वरखेड गावात मोठी यात्रा !

शिर्डी : कोरोना संसर्गाच्या पार्श्वभूमीवर राज्यात यात्रेला बंदी असताना तसेच अहमदनगर जिल्ह्यातील निर्बंध प्रशासनाने कायम ठेवले असताना नेवासा तालुक्यातील वरखेड गावात मोठी यात्रा भरल्याची माहिती समोर येत आहे. येथील नागरिकांनी मोठ्या प्रमाणावर गर्दी करत सोशल डिस्टंन्सीगचे तीन तेरा वाजवलेत! यात्रे दरम्यान काही बोकडांचा बळी दिला असल्याचे अंधश्रद्धा निर्मूलन च्या कार्यकर्त्या रंजना गवांदे यांनी सांगितले आहे.

हे देखील पहा -

अहमदनगर जिल्ह्यामध्ये काही दिवसांपासून कोरोना रुग्ण संख्येत सातत्याने भर पडत असून, दररोज मोठ्या संख्येने रुग्ण सापडत आहेत. अहमदनगर जिल्ह्यातील कोरोनाचे कोणतेही निर्बंध हटविण्यात आलेले नाहीत. मात्र, असे असताना देखील जिल्ह्यात वरखेड येथे यात्रा भरून गावामध्ये मोठ्या प्रमाणावर नागरिक जमले होते.

या यात्रेदरम्यान हजारो बोकडांचा बळी दिला असल्याची माहिती समोर आली आहे. अहमदनगर जिल्हा सध्या कोरोनाचा हॉटस्पॉट ठरतोय. अहमदनगर जिल्ह्यातील कोरोना रुग्णांची संख्या दिवसागणिक वाढत असताना वरखेड गावात मात्र, मोठ्या प्रमाणावर यात्रा भरत असेल तर प्रशासनाचे याकडे दुर्लक्ष होत आहे असेच म्हणावे लागेल.

Edited By : Krushnarav Sathe