Recruitment : खुश खबर! तरुणांसाठी नोकरीची सुवर्ण संधी; महापालिकेत विविध पदासांठी भरती

Nashik News : गेल्या काही वर्षांपासून नाशिक महापालिकेत नोकर भरती झाली नव्हती. अशात अनेक तरुण पालिकेतील भरतीची आतुरतेने वाट पाहत आहेत. या सर्व तरुणांसाठी आनंदाची बातमी समोर आली आहे. नाशिक महापालिकेत लवकरच विविध पदांसाठी नोकर भरती होणार आहे. (Job Vacancy)

गेल्या अनेक वर्षांपासून रखडलेल्या महापालिकेतील (Municipal Corporation) नोकर भरतीला अखेर मुहूर्त लागला आहे. टीसीएस मार्फत जुलै महिन्यात प्रत्यक्ष नोकर भरतीला सुरुवात होणार आहे. महापालिकेतील वैद्यकीय, आरोग्य आणि अग्निशमन विभागातील ७०६ पदांसाठी होणार नोकरभरती होणार आहे.

गेल्या काही वर्षांपासून पालिकेत कोणतीही भरती (Recruitment) झाली नाही. त्यामुळे अनेक पदे रिक्त पडली होती. ही सर्व पदे भरण्यासाठी अखेर आता मुहूर्त लागला आहे. पालिकेत तब्बल २८०० रिक्त पदे आहेत. रिक्त पदांमुळे विविध विभागातील कर्मचाऱ्यांवर कामाचा अतिरिक्त ताण वाढला आहे. तसेच नागरिकांची कामे वेळेवर करता येत नाहियेत. त्यामुळे आता ७०६ पदांसाठी भरती होणार आहे.