Ravindra Dhangekar: पुण्यातील वाढत्या गुन्हेगारीला भाजपचे नेते जबाबदार, धंगेकरांचा गंभीर आरोप VIDEO

पुण्यात गुन्हेगारांच्या प्रकरणांमध्ये वाढ झाली आहे. हत्या, दरोडा आणि गुंडांची मुजोरी यामुळे पुणे शहर क्राइमचं हब बनलं की काय? असा प्रश्न निर्माण झालाय. पब संस्कृती पुण्यात आली, याला जबाबदार कोण? या प्रश्नाचं उत्तर देत माजी आमदार आणि काँग्रेस नेते रवींद्र धंगेकर यांनी सरकारवर हल्लाबोल केलाय. भाजपचे अनेक नेते यात पार्टनर आहेत आणि याच पार्टनरशिपमध्ये हे सगळे पब चालतातय. तसेच यातूनच गुन्हेगारी तयार होते, असा हल्लाबोल धंगेकरांनी केला आहे.

पक्षप्रवेशावर धंगेकर काय म्हणाले?

काँग्रेसचे माजी आमदार रवींद्र धंगेकर शिंदे सेनेत प्रवेश करतील, अशी चर्चा राजकीय वर्तुळात रंगली होती. या चर्चांवर त्यांनी पुर्णविराम दिला आहे. 'मी काँग्रेसमध्ये आहे, मी काँग्रेसमध्येच राहणार, असं वक्तव्य रविंद्र धंगेकर यांनी केलं आहे. मी एखाद्याला भेटलो म्हणजे पक्षप्रवेश नाही. पक्षप्रवेशाच्या चर्चा या होतच असतात', असं धंगेकर म्हणालेत.