Sai Resort
Sai Resort Saam Tv

Ratnagiri News: साई रिसॉर्ट घोटाळाप्रकरणी अटकसत्र सुरुच, दापोलीतील सरकारी अधिकाऱ्याला अटक

Sai Resort Scam: सुधीर पारदुले यांच्या अटकेनंतर किरीट सोमैया यांनी ट्वीट करत ही माहिती दिली आहे.

मुंबई : रत्नागिरीच्या दापोलीतील साई रिसॉर्ट घोटाळा प्रकरणी आज तिसरी अटक झाली आहे. सदानंद कदम आणि जयराम देशपांडे यांच्यानंतर आता मंडळ अधिकारी सुधीर पारदुले यांना दापोली पोलिसांनी अटक केली आहे.

सुधीर पारदुले यांना अटकेनंतर दोन दिवसांची पोलिस कोठडी सुनावली आहे. सुधीर पारदुले यांच्या अटकेनंतर किरीट सोमैया यांनी ट्वीट करत ही माहिती दिली आहे.

दोनच दिवसांपूर्वी ईडीने दापोलीतील तत्कालीन प्रांताधिकारी जयराम देशपांडे यांना अटक केली होती. साई रिसॉर्टच्या कामासाठी बेकायदेशीर परवानगी दिल्याचा ठपका देशपांडे यांच्यावर ठेवण्यात आला आहे. (Latest Marathi News)

यापूर्वी प्रांताधिकारी जयराम देशपांडे यांचं शासनाकडून निलंबन करण्यात आलं होतं. त्यानंतर त्यांची चौकशी सुरू होती. पदावर असताना अनियमितता आरोपाखाली देशपांडे यांचं निलंबन करण्यात आलं होतं.

Sai Resort
Aditya Thackeray: आदित्य ठाकरेंना वरळीत आणखी एक धक्का, आगामी निवडणुकीत मतदारसंघातलं गणित बिघडणार?

त्याआधी काही दिवसांपूर्वा रामदास कदम यांचे बंधू सदानंद कदम यांना ईडीने अटक केली होती. सदानंद कदम हे ठाकरे गटाचे नेते अनिल परब (Anil Parab) यांचे व्यावसायिक भागीदार आहेत.

उद्धव ठाकरे यांच्या खेडमधील सभेसाठी सदानंद कदम यांनी मोठी ताकद लावल्याची चर्चा होती. त्यानंतर त्यांना ईडीने अटक केल्यांतर उलट सुलट चर्चा झाली होती.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com