Raj Thackeray Parli Court Updates : राज ठाकरेंना अटक की जामीन ? थाेड्याच वेळात फैसला

Raj Thackeray In Parli Court : चीतावणीखोर वक्तव्याबद्दल परळी (बीड) न्यायालयाने मनसे अध्यक्ष राज ठाकरे (Raj Thackeray) यांना अजामीनपात्र वॉरंट बजावले हाेते. हे वॉरंट रद्द करून जामीन मिळावा यासाठी राज ठाकरे हे आज परळी न्यायालयातील कामकाजासाठी उपस्थित राहणार आहेत. दरम्यान न्यायालयीन कामकाजानंतर राज ठाकरे हे कार्यकर्त्यांशी संवाद साधतील असा अंदाज बांधला जात आहे. (Maharashtra News)

राज ठाकरे यांना एका प्रकरणात सन (2008 मध्ये) मुंबईत अटक करण्यात आली होती. या अटकेनंतर त्याचे पडसाद परळीत उमटले होते. परळीतील धर्मापुरी पॉईंटवर मनसे कार्यकर्त्यांनी बसवर दगडफेक केली. त्यावेळी बसचे नुकसान झाले होते. याप्रकरणी मनसेच्या कार्यकर्त्यांवर आणि चिथावणी दिल्याबद्दल मनसे (mns) प्रमुख राज ठाकरे यांच्यावर देखील गुन्हा दाखल झाला होता.

आज सकाळी मनसे अध्यक्ष राज ठाकरे हे औरंगाबाद विमानतळावर आले. तेथून वाहनाने ते परळीकडे रवाना झाले. राज ठाकरे यांच्या स्वागतासाठी परळीत युवा वर्ग रस्त्यावर येत असल्याचे चित्र पाहायला मिळत आहे. दरम्यान परळी न्यायालयाच्या आवारात मनसे कार्यकर्त्यांनी मोटारसायकल रॅलीच्या माध्यमातून येण्यास सुरुवात केली आहे.

काही वेळेतच राज ठाकरे हे परळीत पाेहचतील. त्यानंतर ते न्यायालयीन कामकाजासाठी परळी न्यायालयात उपस्थित राहतील अशी माहिती मनसे पदाधिका-यांनी दिली.

Edited By : Siddharth Latkar