Maharashtra Politics : फडणवीसांच्या भेटीचं 'राज'कारण? राज ठाकरे महायुतीत जाणार?

जे महाराष्ट्राच्या मनात तेच होईल, असं म्हणून उद्धव ठाकरेंनी राज ठाकरेंसोबतच्या युतीबाबत स्पष्ट संकेत दिले... मात्र ठाकरे बंधू एकत्र येण्याची चर्चा सुरु असतानाच थेट मुख्यमंत्री देवेंद्र फडणवीसांनी राज ठाकरेंशी तब्बल तासभर बंद दाराआड चर्चा करुन खळबळ उडवून दिलीय..तर फडणवीस आणि राज ठाकरेंमधील भेट राजकीय नसल्याची प्रतिक्रीया भाजपने दिलीय..

दुसरीकडे राज ठाकरे आणि देवेंद्र फडणवीसांच्या भेटीनंतरही ठाकरे गटाने युतीसाठी आशादायी असल्याचे संकेत दिलेत.. तर शिंदे गटाने राज ठाकरेंना महायुतीत सहभागी होण्याची ऑफरच दिलीय... तर विरोधकांनी मात्र या भेटीमुळे राज ठाकरेंची विश्वासार्हता कमी होण्याची शक्यता वर्तवलीय...

2024 च्या लोकसभा निवडणुकीआधीही देवेंद्र फडणवीस आणि राज ठाकरेंमध्ये भेटीगाठी वाढल्या होत्या... त्यानंतर राज ठाकरेंनी लोकसभा निवडणूकीत भाजपला बिनशर्त पाठींबा दिला...मात्र आता फडणवीसांच्या भेटीनंतरही ठाकरे ब्रँड वाचवण्यासाठी दोन्ही भाऊ एकत्र येणार की पुन्हा युतीच्या चर्चा बारगळणार? याकडे राज्याचं लक्ष लागलंय..