Raigad News : सर्पदंशाने विवाहीत तरुणीचा मृत्यू; माणगाव येथील घटना

सचिन कदम 
रायगड : कोपऱ्यात असलेल्या सापाने सकाळी विवाहित तरुणीला दंश केला. यानंतर सदर तरुणीला (Raigad) घरच्यांनी लागलीच रुग्णालयात उपचारासाठी दाखल केले. मात्र उपचारादरम्यान तिचा मृत्यू झाल्याची घटना (Mangaon) माणगाव येथे आज घडली. मृत्यूनंतर नातेवाईकांनी रुग्णालयात गोंधळ घातला. (Breaking Marathi News)

दानिया हर्णेकर असे मृत मुलीचे नाव आहे. दानिया सकाळी काम करत असताना विवाहित तरुणीला सापाने दंश केला. काही तरी चावल्याचे जाणवले. सापाचा दंश (Snake Bite) असल्याचे लक्षात आल्यानंतर घरातील मंडळींनी तिला माणगाव येथील उपजिल्हा रुग्णालयात उपचारासाठी दाखल केले. उपचार सुरु असताना माणगाव उपजिल्हा रुग्णालयात दाखल करण्यात आलेल्या २४ वर्षीय दानिया या विवाहीतेचा मृत्यु झाला आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

नातेवाईकांचा रुग्णालयात गोंधळ 

सर्पदंश झाल्यानंतर लगेचच मुलीला रुग्णालयात दाखल केले. मात्र वेळोवेळी सांगुन देखील योग्य तपासण्या आणि उपचार न केल्याने मुलीचा मृत्यु झाला असल्याचा नातेवाईकांचा आरोप आहे. डॉक्टरांनी हलगर्जीपणा केल्याचा आरोप करत मृत मुलीच्या नातेवाईकांनी रुग्णालयाबाहेर गोंधळ घातला आहे. तसेच माणगाव पोलिस रुग्णालयात दाखल झाले असुन मृतदेह रुग्णवाहिकेत ठेऊन नातेवाईक डॉक्टरांवर कारवाईची मागणी करीत आहेत.