Mahad Ambivali News: अलीकडच्या काळात लहान मुलींना लागलेले मोबाईलचे व्यसन चिंता वाढवणारे आहे. कारण मोबाईलचा अतिवापर मुलांच्या आरोग्यास तर हानीकारक आहेच. याशिवाय मोबाईलचे स्फोट होण्याच्या घटनाही वारंवार घडताना दिसत आहेत. सध्या रायगडमधून अशीच एक धक्कादायक घटना समोर आली आहे.
ज्यामध्ये मोबाईलच्या बॅटरीचा स्फोट होऊन एक सहा वर्षीय मुलगी गंभीर जखमी झाली आहे. महाड तालुक्यातील आंबीवली गावात ही घटना घडली आहे. या जखमी मुलीवर सध्या उपचार सुरू आहेत.
याबाबत अधिक माहिती अशी की, मोबाईलच्या बॅटरीचा स्फोट होऊन एक सहा वर्षीय मुलगी गंभीर जखमी झाल्याची घटना शनिवार दि. 27 रोजी दुपारच्या सुमारास महाड (Mahad) तालुक्यातील आंबीवली गावात घडली. अनिता दिनेश वाघमारे (6) असे या मुलीचे नाव असून या स्फोटात तिच्या तोंडाला व जबड्याला गंभीर स्वरूपाची दुखापत झाली आहे. (Raigad News)
उपचारासाठी मुंबईला हलवले...
घटनेनंतर मुलीला जखमी अवस्थेत तातडीने महाड ग्रामीण रुग्णालयात दाखल करण्यात आले होते. त्यानंतर तिच्यावर प्राथमिक उपचार करून पुढील वैद्यकीय उपचारासाठी मुंबई येथे हलवण्यात आले आहे.
दरम्यान, लहान मुलांमध्ये दिवसेंदिवस मोबाईलचा अतिवापर वाढला असून मोबाईलच्या आहारी जाण्याचे प्रमाण सुद्धा वाढले आहे. या घटनेमुळे पालक वर्गात मात्र भीतीचे वातावरण पसरले आहे. मात्र मुलांच्या हातात मोबाईल देताना काळजी घेणे तसेच त्यांच्यावर लक्ष ठेवणे गरजेचे आहे.
अनेकदा पालकांचं लक्ष नसतानाही लहान मुलं मोबाईल वेगवेगळा कंटेट पाहत असतात. मात्र बऱ्याच पालकांचं मुलं मोबाईलवर नेमकं काय करतात याकडे फारसं लक्ष नसतं. त्यामुळेच अशा घटना वाढताना दिसत आहेत.. Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
