Raigad News : दारुच्या नशेत कठड्याला ठेकून उभा, तोल गेल्यानं खाली कोसळला; महाडच्या चवदार तळ्यात एकाचा मृत्यू

रायगड : रायगडमध्ये एक धक्कादायक घटना घडली आहे. रायगडमधील महाड येथील चवदार तळ्यात पडून एका जणाचा मृत्यू झाला आहे. चवदार तळ्याच्या दक्षिण बाजूकडील संरक्षण कठड्यावरून एकजण चवदार तळ्यात पडला असल्याची धक्कादायक घटना उघडकीस आली आहे. भिकाराम कुरूणकर (वय ४९, रा. करंजखोल) असं मृत व्यक्तीचं नाव आहे. दारुच्या नशेत चवदार तळ्याच्या कठड्याला टेकून उभा असताना तोल जाऊन खाली पडला असल्याची माहिती समोर आली आहे. स्थानिक बचाव पथकाच्या मदतीने मृतदेह बाहेर काढण्यात यश आलं आहे.