रायगडच्या जिल्हाधिकारी निधी चौधरी यांची दीड वर्षात बदली महेंद्र कल्याणकर नवे जिल्हाधिकारी

राजेश भोस्तेकर

रायगड : रायगडच्या जिल्हाधिकारी निधी चौधरी यांची आयटी विभागात मुंबई येथे प्रशासकीय बदली झाली आहे. रायगडचे नवे जिल्हाधिकारी म्हणून महेंद्र कल्याणकर यांची नियुक्ती शासनाने केली आहे. निधी चौधरी यांची केवळ दीड वर्षात बदली करण्यात आली आहे. रायगडच्या विकासाच्या दृष्टीने जिल्हाधिकारी निधी चौधरी यांनी कोरोना काळात चांगले निर्णय घेतले होते.

हे देखील पहा -

त्यामुळे दीड वर्षात निधी चौधरी यांनी आपल्या कामाचा ठसा जिल्ह्यात उमटविला आहे.निधी चौधरी यांनी कोरोना प्रादुर्भाव सुरू होतानाच फेब्रुवारी 2020 मध्ये रायगड जिल्हाधिकारी म्हणून रुजू झाल्या होत्या.

कोरोना संकट त्यानंतर आलेले निसर्ग चक्रीवादळ, महाड इमारत दुर्घटना, तौक्ते चक्रीवादळ, महाड पूर, दरड दुर्घटना या संकटातही निधी चौधरी यांनी चोख भूमिका बजावली. रायगडकरांच्या विकासासाठी त्यांनी राजकीय रोष पत्करून कामे केली आहेत. जिल्हाधिकारी निधी चौधरी यांच्या बदलीने एक उत्तम अधिकारी गमावल्याची भावना रायगडकरांना जाणवणार हे नक्की.

Edited By : Krushnarav Sathe