Pune Swargate ST Depot Case : आरोपी-पीडितेमध्ये आर्थिक व्यवहार झाला का? दत्ता गाडेच्या वकिलाचा नवा दावा

अक्षय बडवे, साम टीव्ही, प्रतिनिधी

पुण्यातील स्वारगेट एसटी डेपोमध्ये उभ्या असलेल्या शिवशाही बसमध्ये एका तरुणीवर बलात्कार करण्यात आला. पुणे पोलिसांनी या प्रकरणी आरोपी दत्तात्रय गाडेला ताब्यात घेतले. या प्रकरणात आज पुणे सत्र न्यायालयाने गाडेला न्यायालयाने १४ दिवसांची न्यायालयीन कोठडी सुनावली. आरोपीच्या वकिलांनी ७,५०० रुपयांचा युक्तिवाद न्यायालयासमोर झाला नसल्याची कबुली दिली.

आरोपी दत्ता गाडेच्या वकीलांनी या प्रकरणाच्या पहिल्या सुनावणीच्या वेळी माध्यमांशी संवाद साधला होता. त्यावेळी वकीलांनी दत्ता गाडेने पीडित तरुणीला पैसे दिले होते अशी माहिती दिली होती. यामुळे सर्वत्र खळबळ उडाली होती. दरम्यान आजच्या सुनावणीनंतर पुन्हा माध्यमांशी बोलताना गाडेच्या वकिलांनी यांनी पीडिता आणि आरोपी यांच्यात व्यवहार झाला नसल्याचे सांगितले.

'न्यायालयासमोर युक्तिवाद संपल्यावर आरोपी दत्तात्रय गाडेने आम्हाला व्यवहार झाल्याची माहिती दिली होती. त्यावरुनच आम्ही माध्यमांशी बोललो' अशी सारवासारव वकीलांनी केली. एक वकील म्हणून असे बेजबाबदार वक्तक्य करणे किती संयुक्तिक आहे असा प्रश्न माध्यमांनी त्यांना विचारला.

७,५०० रुपयांच्या व्यवहारावरुन दत्ता गाडेचे वकील पोटे यांनी विधान केले होते. त्यांनीच ही गोष्ट खोटी असल्याचे कबूल केले. यावरुन त्यांना माध्यमांनी प्रश्न विचारले, या प्रश्नांची उत्तरे देणे टाळून पोटे यांनी तिथून काढता पाय घेतला. माध्यमांना हाताशी धरुन समाजात खोटी माहिती पसरवणाऱ्या वकिलावर पोलीस कारवाई करणार का असा प्रश्न आता उपस्थित केला जात आहे.