Shirur News : चोरीसाठी ड्रोनचा वापर करून रेकी; शिरूर परिसरातील प्रकार

शिरूर (पुणे) : शिरूर तालुक्याच्या पूर्व भागातील गावांमध्ये चोरट्यांच्या टोळ्यांकडुन चोरी करण्यासाठी ड्रोनचा वापर केला जात असल्याचे समोर येत आहे. परिसरात ड्रोन फिरत असल्याने नागरिकांमध्ये भितीचे वातावरण पसरले आहे. याबाबत अधिक तपास करण्याची मागणी नागरिकांकडून केली जात आहे. 

पुण्याच्या (Pune) शिरुर तालुक्यातील नागरगाव, आंधळगाव, रांजणगाव, आलेगाव परिसरात रात्रीच्या वेळी ड्रोन कँमेराच्या माध्यमातून चोरट्यांकडुन चोरी करण्यासाठी रेकी केली जात असल्याचा प्रकार केला जात आहे. रात्रीच्या अंधारात ड्रोन आकाशात घिरट्या घालत असल्याच्या प्रकारामुळे नागरिकांमध्ये भीतीचे वातावरण पसरले आहे. चोरीच्या उद्देशाने हा प्रकार होत असल्याचे नागरिकांच्या लक्षात आल्याने या संदर्भात नागरिकांनी पोलीस (Police) ठाण्याशी हि संपर्क केला.  

शेतशिवार परिसरात शेतकऱ्यांचे साहित्य, माल शेतात पडून आहे. (Shirur) यामुळे शेतकरी सध्या भीतीच्या सावटाखाली आहेत. रात्रीच्या सुमारास द्रोण फिरत असल्याने याची चौकशी करून या प्रकरणी पोलिसांनी कडक कारवाई करण्याची मागणी नागरिकाकडून केली जात आहे.