Devendra Fadnavis Speech: 'मैदानात उतरा, फुल बॅटिंग करा अन् ठोकून काढा', देवेंद्र फडणवीसांचा कार्यकर्त्यांना कानमंत्र; थेट भिडण्याचे आदेश

गणेश, कवाडे|ता. २१ जुलै २०२४

आगामी विधानसभेच्या मोर्चेबांधणीसाठी भारतीय जनता पक्षाची आज पुण्यामध्ये भव्य अधिवेशन होत आहे. केंद्रीय मंत्री अमित शहा, नितीन गडकरी यांच्यासह राज्यातील सर्व मंत्री, नेते आमदार या अधिवेशनाला उपस्थित होते. यावेळी बोलताना उपमुख्यमंत्री देवेंद्र फडणवीस यांनी मार्गदर्शन करताना माध्यमांमधील प्रतिक्रियांवरुन कार्यकर्त्यांचे कान टोचले. तसेच मैदानात उतरा, ठोकून काढा असे म्हणत थेट भिडण्याचे आवाहनही त्यांनी केले.

काय म्हणाले देवेंद्र फडणवीस?

"विरोधक किती लबाड आहेत बघा या योजनेला सभागृहात विरोध करतात आणि गावागावात पहिले जाऊन पोस्टर आपल लावतात. फेक नरेटीव्ह तयार होतो पण आपले लोक उत्तर देत नाहीत. मी आज आदेश देतो. फुल बॅटिंग करा, आदेश विचारू नका मैदानात उतरा आणि ठोकून काढा," असं देवेंद्र फडणवीस म्हणाले.

तसेच "फेक नरेटीव्ह ला थेट नरेटीव्हने उत्तर द्या, फक्त बोलताना आपली हिट विकेट पडू देऊ नका. काही जण असे बोलतात की चार दिवस त्याला उत्तर द्यावे लागतात. आमचे लोक प्रतिनिधी देखील सोशल मीडियावर पोस्ट करत नाही असं म्हणत वादग्रस्त विधाने टाळा," असा इशाराही त्यांनी कार्यकर्त्यांना दिला.

यावेळी बोलताना देवेंद्र फडणवीस यांनी उद्धव ठाकरे, शरद पवार यांच्यावर जोरदार हल्लाबोल केला. "मनोज जरांगे यांना माझा सवाल नाही. माझा सवाल उद्धव ठाकरे, शरद पवार आणि नाना पटोले यांना आहे. तुमचे मराठा आरक्षणाला समर्थन आहे का?" ते स्पष्ट करा असे म्हणत मराठा आरक्षणावरुन भूमिका स्पष्ट करण्याचे आवाहन त्यांनी केले.