पुण्याच्या एसीबीची परभणी आरटीओ कार्यालयात माेठी कारवाई; तिघे ताब्यात (व्हिडिओ पाहा)

परभणी : ड्रायव्हिंग स्कूलच्या नूतनीकरणासाठी चाळीस हजार रुपयांची लाच (bribe) घेताना पुणे लाच लुचपत प्रतिबंधक विभागने (acb) परभणीतील (parbhani) उपप्रादेशिक परिवहन कार्यालयातील (rto) कनिष्ठ लिपिकास पकडले. या कारवाईमुळे उपप्रादेशिक परिवहन कार्यालयात एकच खळबळ उडाली. (Parbhani Latest Marathi News)

याबाबत मिळालेली प्राथमिक माहिती अशी : परभणीतील उपप्रादेशिक परिवहन कार्यालयातील एका कनिष्ठ लिपिकाने एकास ड्रायव्हिंग स्कूलच्या नूतनीकरणासाठी चाळीस हजार रुपयांची मागणी केली हाेती. याबाबत संबंधिताने एसीबीकडे तक्रार नाेंदवली.(Pune Police Latest Marathi News)

एसीबीने या तक्रारीची शहनिशा केली. त्यानंतर उपप्रादेशिक परिवहन कार्यालयातील कनिष्ठ लिपिकावर सापळा रचला. संबंधित लिपकाने तक्रारदाराकडून चाळीस हजार रुपयांची लाच घेताच एसीबीने त्यास पडकले. एसीबीने दिलेल्या माहितीनूसार उपप्रादेशिक परिवहन कार्यालयातील कनिष्ठ लिपिक अल्ताफ पठाण आणि एका दलालास लाचेची रक्कम स्विकारताना रंगेहाथ पकडले आहे. संबंधितांवर नवा मोंढा पोलिसात गुन्हा दाखल करण्यात आला आहे.

Edited By : Siddharth Latkar