Pune News: अमित शहा आणि मोहन भागवत यांच्या दौऱ्यावेळी खळबळजनक घटना; स्मशानभूमीतच पुणे महापालिका अधिकाऱ्यांमध्ये हाणामारी

अक्षय बादवे

Pune News: गृहमंत्री अमित शहा आणि आरएसएसचे सरसंघचालक मोहन भागवत यांच्या व्हीआयपी दौऱ्यावेळी पुणे महानगरपालिकेतील अधिकाऱ्यांचा जोरदार राडा झाल्याची घटना घडली आहे. यावेळी किरकोळ वादातून उपअभियंताने थेट पालिकेच्या वरिष्ठ अधिकाऱ्याला काठीने मारहाण आणि शिवीगाळ केली आहे. (Latest Marathi News)

या बाबत अधीक माहिती अशी की, अभियंता श्रीनिवास कंदुल आणि उपअभियंता ललित बोडे यांच्यात हा वाद झाला आहे. विश्रामवाडा क्षेत्रीय अंतर्गत वैकुंठ स्मशानभूमी या दोघांमध्ये हाणामारी झालीये. वैकुंठ स्मशानभूमी येथे आरएसएसचे मदनदास देवी यांच्यावर अंत्यसंस्कार होणार होते.

अंत्यसंस्कारावेळी अमित शहा (Amit Shaha) आणि मोहन भागवत (Mohan Bhagwat) दोघेही उपस्थित राहणार असल्याने परिसरातील डागडुजी, आणि स्वच्छता करण्यासाठी वरिष्ठ अधिकाऱ्याने सूचना दिल्या होत्या. यावेळी संतापलेल्या उपअभियंताने थेट शिवीगाळ करत वरिष्ठ अधिकाऱ्याला काठीने मारहाण केली.

याप्रकरणी पालिका आयुक्त विक्रम कुमार यांनी गंभीर दखल घेतली आहे. तसेच दोन्ही अधिकाऱ्यांनी परस्परांविरोधात तक्रार दिली आहे. या घटनेमुळे महानगरपालिका परिसरात खळबळ उडाली आहे.