Pune News
Pune NewsSaam tv

Pune News : ८५ वर्षीय आजोबांना विवाहाची इच्छा; जाहिरात पाहून महिलेशी संपर्क, पण वरमाला पडण्यापूर्वीच झाली गफलत

Pune Crime News : पुण्यातल्या पेठ परिसरात राहणाऱ्या आजोबांची लग्नाच्या नावाने फसवणूक झाली. लग्नास इच्छुक असल्याने आजोबानी वृत्तपत्रातील “वर” पाहिजे अशी जाहिरात पाहिली. यावर दिलेल्या फोनवरुन संपर्क केला
Published on

सचिन जाधव
पुणे
: वयाच्या ८५ व्या वर्षी आजोबांना विवाह करण्याची इच्छा होती. यामुळे वधूचा शोध सुरु होता. अशातच एका पेपरात आलेली जाहिरात पाहून आजोबांनी विवाहइच्छुक महिलेशी संपर्क साधला. बोलणे झाल्यानंतर दोघेही तयार झाले. या आजोबांना विश्वास दिला. मात्र गळ्यात वरमाला पडण्यापूर्वीच आजोबांची अशी गफलत झाली कि त्यांना आता पोलिसांची मदत घ्यावी लागत आहे.  

पुण्यातल्या पेठ परिसरात राहणाऱ्या आजोबांची लग्नाच्या नावाने फसवणूक झाली आहे. लग्नास इच्छुक असल्याने आजोबानी वृत्तपत्रातील “वर” पाहिजे अशी जाहिरात पाहिली. यावर दिलेल्या फोनवरुन संपर्क केला. सुरवातीला फोनवर असलेल्या महीलेने नाव नोदंणी, रजिस्ट्रेशन फी घेतली. त्यानंतर आजोबाना संभाव्य वधुचे नाव आणि फोन नंबर दिला. आजोबांनी संपर्क केल्यानंतर समोरून आकांक्षा पाटील बोलत असल्याचे सांगण्यात आले. 

Pune News
Miraj News : वाढदिवसाच्या बॅनरखाली कापडात बांधलेली गाठोडी; जादूटोणा करण्याची शंका, सलग तीन दिवसांपासून सुरु आहे प्रकार

आजोबाना ओढले प्रेमाच्या जाळ्यात 

दरम्यान आजोबांनी जोशी या कथित वधूशी फोनवर संपर्क केल्यानंतर आजोबांना खोटे सांगून प्रेमाच्या जाळ्यामध्ये अडकवले. त्यांचा विश्वास संपादन करून मावस बहीण आजारी असल्याने तिकडे गेले असल्याचे सांगितले. इतकेच नाही तर काही दिवसांनी तिचा स्वतःचा अपघात झाला असून उपचाराकरता पैशाची आवश्यकता असल्याचे सांगितले. पुण्यात परत आल्यानंतर पैसे परत देईल असे सांगितले. 

Pune News
Sangli : शेतात अचानक आला मुलाचा रडण्याचा आवाज; कुटुंबाने जाऊन पाहिले असता समोर आला धक्कादायक प्रकार

११ लाख ४५ हजार रुपये केले ट्रान्स्फर 

महिलेने सांगितल्यावर विश्वास ठेवून आजोबानी तब्बल ११ लाख ४५ हजार ३५० ऑनलाइन पद्धतीने ट्रान्सफर करून दिले. मात्र काही दिवसांनी महिलेशी कोणत्याही प्रकारचा संपर्क होऊ शकला नाही. यामुळे फसवणूक झाल्याचे लक्षात आल्यानंतर या प्रकरणी तिघा अज्ञात महिलेविरोधात बिबवेवाडी पोलिसात गुन्हा दाखल करण्यात आला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News | Saam TV
saamtv.esakal.com